ქაოსი და პანიკა დუბაის საერთაშორისო აეროპორტში - მგზავრები ევაკუირებულები არიან: აეროპორტში ადასტურებენ, რომ მას ირანული დრონი მოხვდა (ფოტოები)

დუბაის საერთაშორისო აეროპორტიდან ევაკუაცია განხორციელდა მას შემდეგ, რაც აეროპორტს ირანული დრონი მოხვდა.

• აეროპორტზე შეტევა ახლო აღმოსავლეთის ქვეყნებში თეირანის მიერ უპილოტო საფრენი აპარატებით შეტევის ნაწილია.

• გავრცელებულ კადრებში ჩანს, როგორ ტოვებენ მგზავრები დუბაის მთავარი საერთაშორისო აეროპორტის ერთ-ერთ ტერმინალს. აეროპორტის ოფიციალური პირების ცნობით, დაშავდა ოთხი თანამშრომელი.

სოციალურ ქსელებში გავრცელებულ ვიდეოებში ასევე ჩანს, რომ კვამლი ავსებს აეროპორტის ტერმინალს, რომელიც მსოფლიოში ერთ-ერთი ყველაზე დატვირთულია.

სხვა კადრებში აეროპორტის დაცარიელებული ნაწილი ჩანს მგზავრების გაყვანის შემდეგ.

"Dubai Airports ადასტურებს, რომ მის ერთ-ერთ ნაწილს მომხდარის შედეგად დაზიანება მიადგა. საგანგებო რეაგირების ჯგუფებია მობილიზებული და შესაბამის უწყებებთან კოორდინაციით მართავენ სიტუაციას. ოთხმა თანამშრომელმა მიიღო დაზიანებები და მათ ოპერატიულად გაეწიათ სამედიცინო დახმარება.

უკვე არსებული საგანგებო გეგმების გამო, ტერმინალების უმეტესობა წინასწარ იყო დაცლილი მგზავრებისგან. დამატებითი ინფორმაცია ხელმისაწვდომობისთანავე გავრცელდება", - ნათქვამია აეროპორტის მიერ გამოქვეყნებულ განცხადებაში.

ეს მოხდა მას შემდეგ, რაც აშშ-მა და ისრაელმა დარტყმები განახორციელეს ირანში მდებარე რამდენიმე ქალაქის ობიექტებზე, მათ შორის ირანის უზენაესი ლიდერის, ალი ხამენეი-ის ოფისებზე. თავდასხმას ირანის საპასუხო ნაბიჯი მოჰყვა - ირანი საპასუხოდ ისრაელსა და ახლო აღმოსავლეთის სხვა ქვეყნებზე მიიტანა შეტევა.

უკვე დადასტურებულად არის ცნობილი, რომ აშშ-სა და ისრაელის ირანზე თავდასხმის შედეგად ლიკვიდირებულია ირანის უზენაესი ლიდერი, აიათოლა ალი ხამენეი.

• ნახეთ ასევე:
• ირანის სახელმწიფო ტელევიზიის ინფორმაციით, აიათოლა ალი ხამენეი ლიკვიდირებულია - ქვეყანაში 40-დღიანი გლოვა გამოცხადდა
• "ვიწყებთ დამანგრეველ ოპერაციას" - ირანის ისლამური რევოლუციის გუშაგთა კორპუსი განცხადებას აქვეყნებს, თეირანში კი აფეთქებების ხმა ისმის: რა ხდება ირანში აიათოლა ალი ხამენეის ლიკვიდაციის შემდეგ