პატარა პანჩიმ ადამიანივით ხელით დამშვიდობება ისწავლა და მის სანახავად მისულ თითოეულ ვიზიტორს ხელს უქნევს - ვიდეო ვირუსულად გავრცელდა

იაპონიის ზოოპარკში მცხოვრები პატარა მაკაკა, რომელიც დედამ დაბადებისთანავე მიატოვა, შემდეგ ზრდასრულმა პრიმატებმა არ მიიღეს და ნუგეში პლუშის სათამაშოში ჰპოვა, კიდევ ერთხელ მოექცა მსოფლიოს ყურადღების ცენტრში.

• როგორც აღმოჩნდა, მან ვიზიტორებისგან ზუსტად ისე ისწავლა ხელის დაქნევა და დამშვიდობება, როგორც ადამიანები აკეთებენ და ახლა თითოეულს ასეთი ჟესტით ეგებება ან ემშვიდობება.

ვიდეოს, რომელიც ვირუსულად უკვე გავრცელდა, AsianFeed ავრცელებს.

თავდაპირველად ვერავინ ამჩნევდა პანჩის ამ გასაოცარ ჩვევას და უნარს - სწრაფად აითვისოს ახალი ჩვევები. თუმცა ერთ დღეს, როდესაც ვიზიტორები მინასთან იდგნენ და მის ვოლიერს ტოვებდნენ, შეამჩნიეს, როგორ აწია პანჩიმ ხელი და მათთან დამშვიდობება დაიწყო.

ზოოპარკის ადმინისტრაციამ დაკვირვების შემდეგ აღმოაჩინა, რომ ეს ერთჯერადად არ მომხდარა. როდესაც პანჩი ხალხს ხედავს, მათ ხელს უწევს და ნაცნობი ჟესტით ემშვიდობება - თითქოს პასუხს სცემს ვიზიტორებს.

დროთა განმავლობაში, ეს მომენტი იმდენჯერ განმეორდა, რომ მის რუტინად იქცა.

ახლა პანჩი დაახლოებით 7 თვის არის. ნელ-ნელა ეგუება სხვა მაკაკებთან ცხოვრებას და პლუშის სათამაშოზე იმდენად აღარ არის დამოკიდებული.

იხილეთ ასევე:

• დედისგან მიტოვებული პატარა პანჩი ზრდასრულმა პრიმატებმა გარიყეს, მისი ნუგეში პლუშის სათამაშოა, რომელიც დედა ჰგონია და ყველგან დაატარებს (ფოტო/ვიდეო)
• სიმართლე პატარა პანჩის შესახებ, რომელიც ვირუსულ სენსაციად იქცა - რატომ მიატოვა დედამ და რა იდგა ხროვის საშინელი თავდასხმების მიღმა, სანამ ერთ-ერთი მაკაკა იშვილებდა?