სუპერმოდელი და სერიალ "დალასის" ვარსკვლავი 62 წლის ასაკში გარდაიცვალა - "ის ულამაზესი ქალი იყო"

• სუპერმოდელი და ტელესერიალ “Dallas“-ის ვარსკვლავი, ანაბელ შოფილდი, კიბოსთან სამწლიანი ბრძოლის შემდეგ, 62 წლის ასაკში, ლოს-ანჯელესში გარდაიცვალა.

კარიერის განმავლობაში, უელსში დაბადებული მოდელი არაერთი ბრენდის რეკლამაში გადაუღიათ. განსაკუთრებული პოპულარობა მას “Bugle Boy“ ჯინსების სატელევიზიო რეკლამაში შესრულებულმა როლმა მოუტანა, სადაც ანაბელი უდაბნოში შავ Ferrari-ს მართავდა.

შოფილდი “Vogue“-ის ყდაზეც გამოჩენილა და ისეთი ცნობილი ბრენდების სარეკლამო კამპანიებში მიუღია მონაწილეობა, როგორიცაა “Yves Saint Laurent“.

მოგვიანებით, ანაბელ შოფილდი ლოს-ანჯელესში გადავიდა საცხოვრებლად და ტელესერიალ “Dallas“-ში ლორელ ელისის როლი შეასრულა, ის 1988 წელს პოპულარული სერიალის 12 ეპიზოდში გამოჩნდა.

• ანაბელი ასევე მონაწილეობდა ფილმებში: “Dragonard“, “Solar Crisis“, “Eye of the Widow“ და 1992 წელს გადაღებულ სერიალ “Dangerous Curves“-ის ერთ ეპიზოდში.

შოფილდმა პროდიუსერობაც სცადა და ფილმების “The Brothers Grimm“, “Doom“ და “City of Ember“ წარმოებაში მიიღო მონაწილეობა.

დაავადებასთან ბრძოლას GoFundMe-ზე გამოქვეყნებული პოსტების სერიით აღწერდა.

მისი ბოლო პოსტი 18 იანვარს გამოქვეყნდა, სადაც გულშემატკივრებს აცნობა, რომ ცხვირის ღრუზე ოპერაცია ჩაიტარა და დაწერა, რომ “თავს საკმაოდ სუსტად გრძნობდა, თუმცა შვება იგრძნო, რადგან ცხვირით სუნთქვა კვლავ შეძლო.“

“ის იყო ერთგული, მზრუნველი და, უპირველეს ყოვლისა, საოცარი სილამაზის ქალი. ანაბელმა თავისი საქმე იცოდა და საუკეთესო იყო", - დაწერა მოდელის გარდაცვალების შემდეგ, შოფილდის მეგობარმა და სააგენტო Take Two Agency-ის მფლობელმა მელისა რიჩარდსონმა