სელენა გომესისა და ბენი ბლანკოს მორიგი სკანდალი, რის გამოც სელენას ფანები ქმართან დაშორებას ურჩევენ - "გონს მოდი, არცერთი კაცი არ ღირს ამად!“

ჰოლივუდის ერთ-ერთი ყველაზე განხილვადი წყვილის, სელენა გომესისა და ბენი ბლანკო გარშემო კვლავ სკანდალია. ამჯერად მიზეზი კადრებია ერთ-ერთი პოდკასტიდან, რომელმაც საზოგადოების დიდი ნაწილი დააბნია და გააღიზიანა.

რა მოხდა "Friends Keep Secrets“-ის ეთერში?

• პოდკასტის ბოლო ეპიზოდში, სადაც წყვილი სტუმრად იმყოფებოდა, სელენა გომესი იატაკზე იჯდა, მისი მეუღლე კი დივანზე იყო მოკალათებული და ფეხები წინ, მაგიდაზე ჰქონდა შემოწყობილი. შუა საუბრისას, სელენამ მოულოდნელად ბენის ფეხის თითზე აკოცა.

ბლანკომ ეს მომენტი მაშინვე აიტაცა და წამყვანებს ჰკითხა: "მოგეწონათ?“. სელენა აშკარად შეცბა, მეუღლეს ფეხზე ხელი ჰკრა და სთხოვა, ეს "განსაკუთრებულ მომენტად“ არ ექცია. თუმცა, ბლანკომ აღფრთოვანება ვერ დამალა: "უბრალოდ მესიამოვნა, ამან დღე გამილამაზა. ძალიან მიყვარხარ“, - აღნიშნა მან.

რატომ განეწყო საზოგადოება აგრესიულად?

საქმე მხოლოდ კოცნაში არ არის. სულ რაღაც ერთი კვირის წინ, ბენი ბლანკო ინტერნეტში ჰიგიენის გამო გააკრიტიკეს - პირველ ეპიზოდში მისი ფეხები იმდენად მოუწესრიგებლად ჩანდა, რომ ფანებმა სელენას განქორწინებაც კი ურჩიეს.

"ვიმედოვნებ, ჩვენი ფსიქიკური ჯანმრთელობისთვის ვინმე იტყვის, რომ ეს ხელოვნური ინტელექტია და არა რეალობა“;

"სელენა, გეხვეწები, გონს მოდი, არცერთი კაცი არ ღირს ამად!“;

"ეს უბრალოდ ამაზრზენი და სამარცხვინოა“ - წერდნენ კომენტარებში.

ბლანკოს პასუხი კრიტიკოსებს

ბენი ბლანკო ამ საკითხს იუმორით უყურებს. ჯიმი ქიმელის შოუში მან ფეხსაცმელიც კი გაიხადა და კამერასთან ახლოს მიიტანა იმის დასამტკიცებლად, რომ სინამდვილეში სუფთაა. "იდეალური ფეხები მაქვს", - ამბობდა ის.

სელენა და ბენი 2023 წლიდან ერთად არიან, ხოლო 2025 წლის სექტემბერში მათ სანტა-ბარბარაში გრანდიოზული ქორწილი გადაიხადეს.