დრონების მიწისქვეშა საცავი - განათებული გვირაბი და ასობით დრონი: რა ჩანს კადრებში, რომელსაც ირანი აქვეყნებს (ვიდეო)

ახლო აღმოსავლეთში კრიზისი გრძელდება. წუხელ, ირანიდან ისრაელის მიმართულებით სამი სარაკეტო იერიში განხორციელდა. ამ დროისთვის არსებული ინფორმაციით, თავდასხმების შედეგად არავინ დაშავებულა.

პარალელურად, გრძელდება ისრაელისა და აშშ-ის ერთობლივი მოქმედებები ირანის წინააღმდეგ.

• ირანული მედია კი აქვეყნებს ვიდეო მასალას, სადაც მიწისქვეშა ბუნკერში რიგებად განლაგებული დრონების ფლოტია ნაჩვენები.

• დრონები განათებული გვირაბის ორივე კედლის გასწვრივ, მწკრივებად არის განლაგებული, გვირაბი კი ირანის დროშებითაა გაფორმებული.

როგორც სამხედრო ექსპერტები წერენ, ვიდეოში, სავარაუდოდ, შედარებით იაფი ღირებულების, “შაჰედის“ ტიპის დრონებია ნაჩვენები.

• ირანმა ასეთი დრონები აშშ-სა და ისრაელის წინააღმდეგ, ოპერაციების “Epic Fury“ და “Lion Roar“-ის შემდეგ, საპასუხო იერიშის დროს გამოიყენა.

დარტყმები ბაჰრეინში, არაბთა გაერთიანებულ საემიროებში, კატარსა და ქუვეითში მდებარე აშშ-ს სამხედრო ბაზების წინააღმდეგ იყო მიმართული.

წყარო