ირანული დრონი აზერბაიჯანში, ნახიჩევანში, აეროპორტთან ჩამოვარდა და აფეთქდა - რას წერს ადგილობრივი მედია (ვიდეო)
აზერბაიჯანული საინფორმაციო სააგენტოს AzerNEWS -ის ინფორმაციით, აზერბაიჯანში ირანული დრონი ჩამოვარდა და აფეთქდა.
დრონი ქალაქ ნახიჩევანში, აეროპორტის მიმდებარე ტერიტორიაზე ჩამოვარდა.
თუმცა აზერბაიჯანის თავდაცვის სამინისტროს ან სხვა ორგანოების მიერ ოფიციალური დადასტურება არ გავრცელებულა.
ონლაინ გავრცელებულ ვიდეოებში ჩანს აფეთქებები აეროპორტის მიმდებარე ტერიტორიაზე. თუმცა აღსანიშნავია, რომ კადრების ავთენტურობა და სავარაუდო დარტყმის ზუსტი გარემოებები ჯერ არ არის დადასტურებული.
ნახიჩევანი ესაზღვრება ირანს, თურქეთს, სომხეთს და სამხრეთ კავკასიაში სტრატეგიულად მგრძნობიარე პოზიციას იკავებს.
აზერბაიჯანის ხელისუფლებას ჯერ არ გაუვრცელებია განცხადება გავრცელებულ კადრებთან ან აეროპორტთან ახლოს მომხდარ აფეთქებასთან დაკავშირებით.
იხილეთ ასევე:
- "ირანიდან ნახიჩევანზე დრონებით განხორციელებული თავდასხმისას 2 ადამიანი დაშავდა - აზერბაიჯანული მხარე იტოვებს უფლებას, მიიღოს საპასუხო ზომები" - აზერბაიჯანის საგარეო უწყება
- თავდასხმა ნახიჩევანზე ირანული დრონებითა და რაკეტებით, ევაკუაცია ადგილობრივი სკოლებიდან - რა დეტალებია ამ დროისთვის ცნობილი
- აზერბაიჯანის თავდაცვის უწყება საგანგებო რეჟიმზე გადადის - ირანის საზღვართან სამხედროები განალაგეს: რას წერს მედია?