თავდასხმა ნახიჩევანზე ირანული დრონებით, ევაკუაცია ადგილობრივი სკოლებიდან - რა დეტალებია ამ დროისთვის ცნობილი

ნახიჩევანის აეროპორტის მიმდებარედ სკოლებიდან მოსწავლეების და მასწავლებლების ევაკუაცია განხორციელდა. აღნიშნულს წინ უსწრებდა აეროპორტზე ირანული ე.წ. შაჰიდის დრონით თავდასხმა..

თავდასხმის შედეგად დაღუპულებისა და დაშავებულების შესახებ ინფორმაცია ჯერჯერობით არ ვრცელდება.

"ჩვენ აღმოვაჩინეთ ერთ-ერთი დრონი, რომელიც ჩამოვარდა ღია ადგილას, აეროპორტთან საკმაოდ ახლოს", - წერს azernews.

• როგორც ირკვევა, საუბარი არ არის მხოლოდ ერთ დრონზე, არამედ შეტევა აზერბაიჯანზე რდრონებით განხორციელდა. როგორც სააგენტო Reuters-ი აზერბაიჯანის სამთავრობო წყაროზე დაყრდნობით წერს, "ირანის მიმართულებით მოძრავი დრონები აზერბაიჯანში, ნახიჩევანში, აეროპორტის ტერიტორიაზე ჩამოვარდა".

წყაროს ცნობით, მომხდარის შედეგად ხანძარი გაჩნდა და ოფიციალური განცხადება მალე გაკეთდება.აზერბაიჯანის რესპუბლიკაში ირანის ისლამური რესპუბლიკის საგანგებო და სრულუფლებიანი ელჩი მოჯტაბა დერმიჩილუ საგარეო საქმეთა სამინისტროში დაიბარეს, - ინფორმაციას აზერბაიჯანული მედია ქვეყნის საგარეო საქმეთა სამინისტროზე დაყრდნობით ავრცელებს.

"ირანულ მხარეს მკაცრი პროტესტი გამოეცხადება და შესაბამისი საპროტესტო ნოტა წარედგინება“, - აღნიშნულია განცხადებაში

ნახეთ ასევე:

• “ჩვენ არ ვესხმით თავს მეზობელ ქვეყნებს, გარდა იმ შემთხვევებისა, როდესაც იქ სიონისტური რეჟიმის და აშშ-ის სამხედრო ბაზებია განლაგებული“ - ირანი ნახიჩევანის დაბომბვას უარყოფს
• "ირანიდან ნახიჩევანზე დრონებით განხორციელებული თავდასხმისას 2 ადამიანი დაშავდა - აზერბაიჯანული მხარე იტოვებს უფლებას, მიიღოს საპასუხო ზომები" - აზერბაიჯანის საგარეო უწყება
• აზერბაიჯანის თავდაცვის უწყება საგანგებო რეჟიმზე გადადის - ირანის საზღვართან სამხედროები განალაგეს: რას წერს მედია?