ირანმა ქურთების ბაზებზე იერიში მიიტანა... ქურთები კი სახმელეთო ოპერაციას გეგმავენ - "ჩვენ მალე ირანში ვიბრძოლებთ"

ირანის სამხედრო ძალების განცხადებით, ჩრდილოეთ ერაყში ქურთების ძალების შტაბ-ბინები დაბომბეს და ირანსა და ერაყში ქურთულ რეგიონებზე დარტყმები გააძლიერეს.

• ირანის სახელმწიფო მედია ირანელი სამხედროების განცხადებებს აქვეყნებs, სადაც ისინი ამბობენ, რომ ირანი "სამი რაკეტით დაესხა თავს ქურთულ ჯგუფებს.“

აღსანიშნავია, რომ ამ თავდასხმამდე გავრცელდა ცნობები. რომ დონალდ ტრამპს ერაყელი ქურთების ჩართვა სურს ირანის წინააღმდეგ სახმელეთო ბრძოლაში და რომ ამ თემაზე ის "ქურთისტანის დემოკრატიული პარტიის" ლიდერს ესაუბრა.

დადასტურებულად არის ცნობილი, რომ ირანი მიერ ქურთულ ბაზებზე შეტევის შედეგად ერთი ადამიანი დაიღუპა და ორი დაშავდა.

ქურთისტანის დემოკრატიული პარტიის (KDPI) პოლიტიკურმა ლიდერმა BBC-ს განუცხადა, რომ მისი აზრით, "ქურთები მალე ირანში იბრძოლებენ", მაგრამ ზუსტი ვადები არ დაუსახელებია.

მან კომენტარი არ გააკეთა იმ ცნობებზე, რომ თითქოს ტრამპი ბოლო დღეებში KDPI-ის ლიდერს ესაუბრა.