კალიფორნიაში ბრიტნი სპირსი დააკავეს - მორიგი სკანდალი პოპ-ვარსკვლავის გარშემო: რა დეტალებია ცნობილი
პოპ-ვარსკვლავი ბრიტნი სპირსი სამართალდამცავების ყურადღების ცენტრში კიდევ ერთხელ მოექცა. 44 წლის მომღერალი კალიფორნიაში, ვენტურას ოლქში, ნასვამ მდგომარეობაში ავტომობილის მართვისთვის (DUI) დააკავეს.
რა მოხდა ოთხშაბათს ღამით?
როგორც Daily Mail იუწყება, ინციდენტი ოთხშაბათს, ადგილობრივი დროით 21:30 საათზე მოხდა. პოლიციამ ვარსკვლავი პირდაპირ საჭესთან დააკავა და განყოფილებაში გადაიყვანა. ვენტურას ოლქის შერიფის სამსახურის მონაცემებით, ბრიტნიმ წინასწარი დაკავების იზოლატორში რამდენიმე საათი გაატარა, ხუთშაბათს დილით კი გაათავისუფლეს.
მომღერლის წარმომადგენლებს მომხდარზე კომენტარი ჯერჯერობით არ გაუკეთებიათ.
კანონდარღვევების სერია
აღსანიშნავია, რომ ეს ბრიტნისთვის ბოლო პერიოდში საჭესთან დაკავშირებული პირველი პრობლემა არ არის. სულ რაღაც ერთი თვის წინ, თებერვალში, პაპარაცებმა ის ლოს-ანჯელესში, თავისი Mercedes-ის ჯიპის მართვისას დააფიქსირეს, როდესაც მომღერალს ტელეფონი სახესთან ჰქონდა მიტანილი და საუბრობდა. კალიფორნიის კანონმდებლობით, მართვის დროს ტელეფონის ხელში ჭერა მკაცრად აკრძალულია.
რა სასჯელი ელის ვარსკვლავს?
კალიფორნიის შტატში ნასვამ მდგომარეობაში მართვა საკმაოდ სერიოზულ დანაშაულად ითვლება. პირველივე დარღვევის შემთხვევაში, მძღოლს ავტომატურად უჩერდება მართვის მოწმობა. გარდა ამისა, სპირსს შესაძლოა დაეკისროს:
- ფულადი ჯარიმა $1,000-ზე მეტი ოდენობით;
- სავალდებულო საგანმანათლებლო პროგრამა ალკოჰოლდამოკიდებულების შესახებ (6 თვემდე ვადით);
- 3-დან 5 წლამდე პირობითი მსჯავრი.
შეგახსენებთ, რომ ბრიტნი სპირსი ბოლო დროს სოციალურ ქსელებში თავისი უცნაური ცეკვებითა და პოსტებით ისედაც ყურადღების ცენტრში იყო, თუმცა ამჟამინდელი იურიდიული პრობლემები მის რეპუტაციას კიდევ უფრო დიდ დარტყმას აყენებს. ვარსკვლავის სასამართლო მოსმენა სავარაუდოდ მაისში ჩაინიშნება...წყარო