მეორე ორსულობა ქალების ტვინს ცვლის - რა აღმოაჩინა ახალმა, მასშტაბურმა კვლევამ?

ამსტერდამის უნივერსიტეტის სამედიცინო ცენტრის (Amsterdam UMC) ახალი კვლევის თანახმად, მეორე ორსულობა ქალის ტვინში იწვევს უნიკალურ ცვლილებებს, რომლებიც შეიძლება დაეხმაროს მას უკეთ ფოკუსირებასა და ყურადღების უფრო მარტივად კონცენტრირებაში. მანამდე მკვლევრებმა უკვე დაადგინეს, რომ პირველი ორსულობისას ქალის ტვინი განიცდის ცვლილებებს, რომლებიც მას დედობისთვის ამზადებს.

• ახალმა კვლევამ აჩვენა, რომ მეორე ორსულობისას ხდება სპეციფიკური ცვლილებები, რომლებიც შესაძლოა დაეხმაროს ქალებს უკეთ გაართვან თავი რამდენიმე დავალებას ერთდროულად.

მეცნიერთა თქმით, აღნიშნული დასკვნები შეიძლება მათ იმის კვლევაში დაეხმაროს, თუ რატომ უვითარდებათ ზოგიერთ ქალს დედობასთან დაკავშირებული ფსიქიკური დარღვევები.

ამსტერდამის უნივერსიტეტის სამედიცინო ცენტრის (UMC) ორსულობისას ტვინის შემსწავლელი ლაბორატორიის მკვლევრებმა მანამდე დაადგინეს, რომ პირველი ორსულობისას იცვლება ტვინის ის უბნები, რომლებიც დაკავშირებულია თვითრეფლექსიასთან და ბავშვის ემოციების გაგებასთან.

ახალ კვლევაში მეცნიერები აკვირდებოდნენ 110 ქალს: მათი ნაწილი დედა პირველად გახდა, სხვებს მეორე შვილი შეეძინათ, ხოლო მესამე ჯგუფს შვილები არ ჰყავდა. ორსულობამდე და მის შემდეგ გადაღებული ტვინის სურათების შედარებამ მკვლევრებს საშუალება მისცა ზუსტად განესაზღვრათ მომხდარი ცვლილებები.

იმ ქალებში, რომლებმაც მეორე ორსულობა გამოიარეს, მეცნიერებმა აღმოაჩინეს უფრო გამოხატული ცვლილებები იმ ნეირონულ ქსელებში, რომლებიც პასუხისმგებელნი არიან ყურადღების კონტროლზე.

წყარო

იხილეთ ასევე:

• მასშტაბურმა კვლევამ გულის ჯანმრთელობის საიდუმლო ამოხსნა - როგორც აღმოჩნდა, ეს არც დაბალნახშირწყლოვანი და არც დაბალცხიმიანი დიეტაა
• ზუზუნი ყურებში, კუნთების დაძაბულობა, დაღლილობა და “გონების დაბინდვა“ - დედამიწის “გულისცემა“ შეიცვალა: რითი ემუქრება ეს ადამიანებს?