"ერთ-ერთმა მგზავრმა თავი დაიწვა, ცეცხლი მთელ ავტობუსს მოედო" - ახალი დეტალები შვეიცარიაში მომხდარ ტრაგედიაზე, რომელსაც 6 ადამიანი ემსხვერპლა

დასავლეთ შვეიცარიის პატარა ქალაქ კერცერსში, ავტობუსში გაჩენილი ხანძრის შესახებ ახალი დეტალები ხდება ცნობილი. პოლიციის განცხადებით, სავარაუდოდ, ერთ-ერთმა მგზავრმა თავი დაიწვა, რის შედეგადაც ცეცხლი მთელს ავტობუსს მოედო - დაიღუპა 6 ადამიანი, სამმა მგზავრმა მძიმე დამწვრობა მიიღო, ისინი კლინიკაში გადაიყვანეს.

შემთხვევა დაახლოებით საღამოს 6:25 საათზე მოხდა. ავტობუსი დიუდინგენიდან კერცერსის მიმართულებით მოძრაობდა, როდესაც ბოლო გაჩერებამდე ცოტა ხნით ადრე ხანძარი გაჩნდა. როგორც მოგვიანებით გახდა ცნობილი, ავტობუსი რეგიონულ სატრანსპორტო ქსელს ეკუთვნის და მას კომპანია PostBus მართავს.

• ამ ეტაპზე უცნობია, იმყოფება თუ არა ეჭვმიტანილი დაღუპულებს ან დაშავებულებს შორის.

შვეიცარიული საინფორმაციო სააგენტო Keystone-ATS-ის ცნობით, ერთი ადამიანი ვერტმფრენით გადაიყვანეს. გამოძიება კვლავ გრძელდება.

„ვწუხვარ და მწყინს, რომ შვეიცარიაში ხანძარს ადამიანების სიცოცხლე ემსხვერპლა. მიმდინარეობს გამოძიება. ვუსამძიმრებ დაღუპულთა ნათესავებს" - დაწერა შვეიცარიის პრეზიდენტმა გაი პარმელენმა X-ზე.

წყარო

იხილეთ ასევე:

• 6 გარდაცვლილი და მძიმედ დაშავებულები: შვეიცარიაში ავტობუსს ცეცხლი გაუჩნდა - პოლიცია არ გამორიცხავს, რომ ხანძარი განგებ გააჩინეს