გაუქმებული ფრენები, დაკეტილი საავტომობილო გზები და მომწამვლელი ჰაერი - ჰავაიზე ვულკანი ამოიფრქვა: ამოქმედებულია საგანგებო ზომები

ჰავაის ვულკანი კილაუეა სამშაბათს დილით კვლავ ამოიფრქვა, რამაც მიმდებარე ტერიტორიაზე სახიფათო პირობები შექმნა.

ამოფრქვევა ადგილობრივი დროით საღამოს 6:21 საათზე დასრულდა. ვულკანიდან გამოიყო ვულკანური ქანებისა და ფერფლის ნაზავი, რის გამოც რამდენიმე საავტომობილო გზა დაიკეტა და გარკვეული ფრენები გაუქმდა.

• აშშ-ის გეოლოგიური სამსახურის ცნობით, სამშაბათს მომხდარი ამოფრქვევა ძლიერი ლავის შადრევნებით გამოირჩეოდა, რომელთა სიმაღლე დაახლოებით 1300 ფუტს (დაახლოებით 400 მეტრს) აღწევდა.

USGS-ის მეცნიერების მთავარი შეშფოთების საგანი ვულკანური აირია, რომელიც ქარის მოძრაობის მიმართულებით შეიძლება გავრცელდეს და ადამიანთა ჯანმრთელობას საფრთხე შეუქმნას. განსაკუთრებით მაშინ, თუ ჰაერში მისი კონცენტრაცია მაღალ დონეზე იქნება.

ამოფრქვევების არაპროგნოზირებადი ხასიათის გამო, ჰავაის ოლქის ოფიციალურმა პირებმა მოსახლეობის უსაფრთხოების მიზნით სიფრთხილის ზომები გაამკაცრეს. მაცხოვრებლებს ურჩევენ, მოამზადონ საგანგებო სიტუაციების ნაკრები, მათ შორის აუცილებელი ნივთები, როგორიცაა წყალი, საკვები და სამედიცინო მარაგი.

კილაუეა ჰავაის სამხრეთ-აღმოსავლეთ ნაწილში მდებარეობს. მისი სიმაღლე 1247 მეტრია. იგი დედამიწის ერთ-ერთი ყველაზე აქტიურ ვულკანად ითვლება. ინტენსიური აქტივობის ფაზაში 2011 წლის 6 მარტს შევიდა.

კილაუეა უკანასკნელად 1952, 1954 და 1955 წლებში ამოიფრქვა.

წყარო