ნატო-ს საჰაერო თავდაცვამ ირანიდან თურქეთისკენ გაშვებული კიდევ ერთი რაკეტა მოიგერია - ქვეყნის თავდაცვის უწყება ირანისგან ახსნა-განმარტებას ითხოვს

თურქეთის თავდაცვის სამინისტროს განცხადებით, აღმოსავლეთ ხმელთაშუა ზღვაში განთავსებულმა ნატო-ს საჰაერო თავდაცვის სისტემებმა ირანიდან თურქეთის მიმართულებით გაშვებული მესამე ბალისტიკური რაკეტა მოიგერია, - ინფორმაციას Reuters-ი ავრცელებს.

სააგენტოს ინფორმაციით, თურქეთის თავდაცვის უწყება ირანისგან ახსნა-განმარტებას ითხოვს

ნატო ადასტურებს, რომ ალიანსის საჰაერო თავდაცვის სისტემებმა თურქეთისკენ მიმავალი ირანული ბალისტიკური რაკეტა მოიგერია.

"პარასკევს დილით ნატო-მ კვლავ წარმატებით ჩაჭრა თურქეთისკენ მიმავალი ირანული ბალისტიკური რაკეტა“, - განაცხადა ნატო-ს პრესსპიკერმა ალისონ ჰარტმა.

მისი განცხადებით, ნატო "სიფხიზლეს ინარჩუნებს“ და მტკიცედ იცავს ყველა მოკავშირეს.

ცნობისთვის, ნატო-ს თავდაცვამ თურქეთის საჰაერო სივრცისკენ გაგზავნილი რაკეტები მანამდე ორჯერ, 4 და 9 მარტსაც მოიგერია.

იხილეთ ასევე:

• "თურქეთის საჰაერო სივრცის დარღვევას გამართლება არ აქვს" - ერდოღანი ირანის პრეზიდენტს ესაუბრა