ისრაელის განცხადებით, ლიკვიდირებულები არიან ალი ლარიჯანი და დაჯგუფება “ბასიჯის“ ხელმძღვანელი

ისრაელის თავდაცვის მინისტრის, ისრაელ კაცის განცხადებით ლიკვიდირებულია ირანის უსაფრთხოების სამსახურის უმაღლესი თანამდებობის პირი ალი ლარიჯანი.

მისი თქმით, სიახლე ლარიჯანის გარდაცვალების შესახებ ცნობა მას ახლახან გადასცეს.

• ისრაელის სამხედრო ძალების განცხადებით, “თეირანში მიზანმიმართული დარტყმის“ შედეგად ასევე მოკლულია “ბასიჯის“ მოხალისეთა პარამილიტარული დაჯგუფების მეთაური ღოლამრეზა სოლეიმანი.

„გუშინ (ორშაბათს), ისრაელის საჰაერო ძალებმა, ისრაელის თავდაცვის ძალების დაზვერვის მონაცემებზე დაყრდნობით, დარტყმა განახორციელეს და მოკლეს ღოლამრეზა სოლეიმანი, რომელიც ბოლო ექვსი წლის განმავლობაში მეთაურობდა ბასიჯის დანაყოფს“, - ნათქვამია ისრაელის სამხედრო ძალების განცხადებაში.

„ბასიჯის“ მილიცია ისლამური რევოლუციის გუშაგთა კორპუსთან (IRGC) დაახლოებული მოხალისეთა პარამილიტარული ორგანიზაციაა. ბასიჯს ირანის ხელისუფლება ხშირად იყენებს ქვეყანაში საპროტესტო აქციების ჩასახშობად.

წყარო

იხილეთ ასევე:

• ალი ლარიჯანი: ვინ არის და როგორ მოიპოვა მთავარი როლი ირანის პოლიტიკაში ხამენეის გარდაცვალების შემდეგ?