"არ მინდოდა მუხლებზე გასრიალება... ბოდიშს ვუხდი ქართველ ხალხს... უმძიმესი დღეა, ჩვენი სულიერი მამა იყო" - "კვარამ" პატრიარქზე საუბრისას ცრემლები ვერ შეიკავა
ხვიჩა კვარაცხელია ჩემპიონთა ლიგის შემდეგ ეტაპზე ითამაშებს. პსჟ-მ ლონდონის ჩელსი სტუმრადაც დაამარცხა. პარიზელებმა ორი მატჩის ჯაშში 8-2 მოიგეს. მატჩისას "კვარამ" გოლი მეექვსე წუთზე გაიტანა. გატანილი გოლი მან სრულიად საქართველოს კათოლიკოს-პატრიარქის, ილია მეორის ხსოვნას მიუძღვნა.
მოგვიანებით მან მცირე კომენტარი გააკეთა და გოლის გატანის შემდეგ გამოხატული ემოციის გამო ხალხს ბოდიში მოუხადა.
- "არ მინდოდა მუხლებზე გასრიალება, მაგრამ იმდენად ემოციურად ვიყავი... ბოდიშს ვუხდი ქართველ ხალხს, ემოცია ვერ გავაკონტროლე. გამახსენდა რაც ხდებოდა და ძალიან ვინერვიულე, უმძიმესი დღეა, ჩვენი სულიერი მამა იყო" - ხვიჩა კვარაცხელიამ ილია მეორეზე საუბრის დროს ცრემლები ვერ შეიკავა. მის ვიდეო კომენტარს GEO TEAM ავრცელებს.
საქართველოში გლოვა გამოცხადდა. საქართველოს მთავრობის ადმინისტრაციის ცნობით, მთავრობის განკარგულებით, ქვეყნის მასშტაბით ადმინისტრაციულ შენობებზე სახელმწიფო დროშები დაეშვება.
ცნობისთვის, სრულიად საქართველოს კათოლიკოს-პატრიარქი, უწმინდესი და უნეტარესი ილია II 93 წლის ასაკში გარდაიცვალა. ოფიციალური განცხადება კავკასიის მედიცინის ცენტრში მეუფე შიომ გააკეთა.
წაიკითხეთ ასევე:
- "უმძიმესი დღეა! მადლობა ყველაფრისთვის, უწმინდესო“ - ხვიჩა კვარაცხელია სამძიმრის წერილს აქვეყნებს
- ხვიჩა კვარაცხელია ჩემპიონთა ლიგის შემდეგ ეტაპზეა - პსჟ-მ "ჩელსი" ლონდონშიც დაამარცხა
- "დასრულდა ეპოქა წინამძღოლისა, რომელმაც არაერთხელ გაგვიყვანა სამშვიდობოს" - ბიძინა და ეკატერინა ივანიშვილები პატრიარქზე