აშშ-ის ეროვნული ანტიტერორისტული ცენტრის დირექტორი, ჯო კენტი გადადგა და ტრამპის ადმინისტრაცია გააკრიტიკა - "მოგატყუეს, რომ ირანი გარდაუვალი საფრთხეა... შეცვალეთ კურსი"
აშშ-ის ეროვნული ანტიტერორისტული ცენტრის დირექტორმა, ჯო კენტმა, თანამდებობა დატოვა. გადადგომის მიზეზად ის ირანის წინააღმდეგ ომს ასახელებს და ამბობს, რომ დონალდ ტრამპს არ ეთანხმება.
-
45 წლის კენტმა, რომელიც ტრამპის ადმინისტრაციაში ტერორიზმთან ბრძოლას უწევდა კოორდინაციას, თეთრ სახლს "კურსის შეცვლისკენ" მოუწოდა.
ის არის ამ ადმინისტრაციაში ყველაზე მაღალი რანგის თანამდებობის პირი, რომელმაც საჯაროდ გააკრიტიკა აშშ-ისრაელის ოპერაცია ირანში.
"2025 წლის ივნისამდე თქვენ გესმოდათ, რომ ომები ახლო აღმოსავლეთში ხაფანგი იყო, რომელშიც ამერიკა ჩვენი პატრიოტების ძვირფას სიცოცხლეს კარგავდა, სწირავდა ერის სიმდიდრეს და კეთილდღეობას. როგორც ვეტერანი, რომელმაც 11-ჯერ იბრძოლა და როგორც ქვრივი, რომელმაც დაკარგა ცოლი ისრაელის მიერ წამოწყებულ ომში, მე ვერ დავუჭერ მხარს ახალი თაობის გაგზავნას ომში, რომელიც არანაირ მიზანს არ ემსახურება ამერიკელი ხალხისთვის", - წერს კენტი X-ზე.
<blockquote class="twitter-tweet"><p lang="en" dir="ltr">After much reflection, I have decided to resign from my position as Director of the National Counterterrorism Center, effective today.<br><br>I cannot in good conscience support the ongoing war in Iran. Iran posed no imminent threat to our nation, and it is clear that we started this… <a href="https://t.co/prtu86DpEr">pic.twitter.com/prtu86DpEr</a></p>— Joe Kent (@joekent16jan19) <a href="https://twitter.com/joekent16jan19/status/2033897242986209689?ref_src=twsrc%5Etfw">March 17, 2026</a></blockquote> <script async src="https://platform.twitter.com/widgets.js" charset="utf-8"></script>- ცნობისთვის, კენტი არის ცენტრალური სადაზვერვო სააგენტოს სპეციალური ოპერაციების ძალების ვეტერანი, მისი მეუღლე, შენონ კენტი, საზღვაო ფლოტში კრიპტოლოგად მსახურობდა. 2019 წელს კი სირიაში, თვითმკვლელი ტერორისტის მიერ მოწყობილი აფეთქების შედეგად დაიღუპა.
ის აცხადებს, რომ "ირანი არ წარმოადგენდა გარდაუვალ საფრთხეს შეერთებული შტატებისთვის". კენტის მტკიცებით, "მაღალი რანგის ისრაელელმა ჩინოვნიკებმა და ლობისტებმა", ასევე გავლენიანმა ამერიკელმა ჟურნალისტებმა დეზინფორმაციული კამპანია აწარმოეს ომის მომხრე განწყობების წასახალისებლად.
"ეს კამპანია გამოიყენეს იმისთვის, რომ მოგატყუონ და დაგაჯერონ, რომ ირანი შეერთებულ შტატებს გარდაუვალ საფრთხეს უქმნის და რომ თუ ახლავე დარტყმას განახორციელებთ, სწრაფი გამარჯვებისკენ ნათელი გზა არსებობს. ეს იყო ტყუილი და იგივე ტაქტიკა, რომელიც ისრაელმა გამოიყენა, რათა ჩავეთრიეთ ერაყის კატასტროფულ ომში, რომელსაც ჩვენმა ერმა ათასობით საუკეთესო მამაკაცისა და ქალის სიცოცხლე შეიწირა“, - წერს ჯო კენტი.
მის განცხადებას დონალდ ტრამპი გამოეხმაურა:
"მისი განცხადება წავიკითხე. ყოველთვის კარგ ადამიანად მივიჩნევდი, მაგრამ ყოველთვის ვფიქრობდი, რომ უსაფრთხოების საკითხებში სუსტი იყო - ძალიან სუსტი.
როდესაც მისი განცხადება წავიკითხე, მივხვდი, კარგია, რომ წავიდა, რადგან მან თქვა, რომ ირანი საფრთხეს არ წარმოადგენდა. ირანი საფრთხე იყო - ყველა ქვეყანამ გაიგო, თუ რა საფრთხეს წარმოადგენდა ირანი“, - განაცხადა დონალდ ტრამპმა.