“გაათავისუფლონ ყველა პოლიტპატიმარი, მოხსნან პოლიტიკურად მოტივირებული ბრალდებები, გაიწვიონ არადემოკრატიული კანონები“ - ამერიკელი სენატორები და კონგრესმენები “მოსკოვის მექანიზმზე"

“ამერიკულ მთავრობას მოვუწოდებთ, შეუერთდნენ ევროპელ პარტნიორებს სანქციებისა და სხვა ინსტრუმენტების გამოყენებაში, რათა დაჟინებით მოითხოვონ, რომ საქართველოს მთავრობამ ყურადღება მიაქციოს “მოსკოვის მექანიზმის“ ანგარიშის რეკომენდაციებს,“ - ამის შესახებ ამერიკელი კონგრესმენებისა და სენატორების განცხადებაშია ნათქვამი.

• განცხადების თანახმად, “ეუთოს მოსკოვის მექანიზმის ანგარიში ნათელია: “ქართული ოცნება” ქართველ ხალხს მათ მძიმე ბრძოლაში მოპოვებულ თავისუფლებას ჰპარავს და ქვეყანას იზოლირებულ, ავტორიტარულ სახელმწიფოდ“ აქცევს.

“ამერიკულ მთავრობას მოვუწოდებთ, შეუერთდნენ თავის ევროპელ პარტნიორებს სანქციებისა და სხვა ინსტრუმენტების გამოყენებაში, რათა დაჟინებით მოითხოვონ, რომ საქართველოს მთავრობამ ყურადღება მიაქციოს ამ ანგარიშის რეკომენდაციებს. უნდა მოვითხოვოთ, რომ მათ გაათავისუფლონ ყველა პოლიტპატიმარი, მოხსნან ოპოზიციური პოლიტიკოსების წინააღმდეგ პოლიტიკურად მოტივირებული ბრალდებები, და გაიწვიონ არადემოკრატიული და უსამართლო კანონები”, - ნათქვამია განცხადებაში.

განცხადების ხელმომწერები არიან: ჰელსინკის კომისიის თავმჯდომარე სენატორი როჯერ უიკერი (რესპუბლიკური პარტია), ჰელსინკის კომისიის თანათავმჯდომარე კონგრესმენი ჯო უილსონი (რესპუბლიკური პარტია), სენატორი შელდონ უაითჰაუსი (დემოკრატიული პარტია), კონგრესმენი სტივ კოენი (დემოკრატიული პარტია), და სენატორი ჯინ შაჰინი (დემოკრატიული პარტია).

წყარო

იხილეთ ასევე:

• “კრიმინალურმა “ქართული ოცნების” რეჟიმმა საქართველო არასანდო და მაღალი რისკის პარტნიორი გახადა - მეტი მსგავსი ქმედება გახდება აუცილებელი, თუ კურსს არ შეცვლის“ - ჯო უილსონი