ავსტრიელი ინფლუენსერის სასტიკი მკვლელობის დეტალები - გამოძიების ვერსიით, როდესაც ქალი დამარხეს, ის ჯერ კიდევ ცოცხალი იყო
გასული წლის ნოემბერში ავსტრიაში მომხდარი სასტიკი მკვლელობის შესახებ ახალი დეტალები ხდება ცნობილი. მოკლული 32 წლის ინფლუენსერი სტეფანი ჰიპერია.
- გამოძიების ვერსიით, ქალი შესაძლოა ჯერ კიდევ ცოცხალი ყოფილიყო, როდესაც დამნაშავემ ჩემოდანში ჩატენა და დამარხა.
ქალის ცხედარს სახეზე დაზიანებები ჰქონდა. ექსპერტები ვარაუდობენ, რომ მან ეს დაზიანებები შესაძლოა, ჩემოდნიდან თავის დაღწევის მცდელობისას მიიღო.
- გრაცის პროკურატურის განცხადებით, არ გამოირიცხება, რომ მსხვერპლი ჩემოდანში მოთავსების მომენტში ცოცხალი იყო. ჩატარებულმა ექსპერტიზამ ჯერჯერობით გარდაცვალების ზუსტი დრო ვერ დაადგინა.
- პაიპერის ცხედარი მისი მკვლელობიდან დაახლოებით ერთი კვირის შემდეგ იპოვეს. ბოლოს ის ცოცხალი 23 ნოემბერს, საშობაო წვეულებაზე ნახეს. როდესაც წვეულება დატოვა
გამოძიება დაიწყო და სამართალდამცველებმა სწრაფად დააკავეს ინფლუენსერის ყოფილი შეყვარებული, 31 წლის მამაკაცი პატრიკ მ.
დაკითხვისა და საგამოძიებო მოქმედებების შემდეგ, რამდენიმე დღეში, პოლიციამ ავსტრიის მეზობელი ქვეყნის, სლოვენიის ტყეში მიაგნო ადგილს, სადაც ახალგაზრდა ქალის ცხედარი იყო დამალული.
- გავრცელებული ინფორმაციით, დაკავებულმა დანაშაული აღიარა. მისი ადვოკატის განცხადებით, მამაკაცი შემთხვევის დროს კოკაინის ზემოქმედების ქვეშ იმყოფებოდა.
ადვოკატის თქმით, ბრალდებული დანაშაულს ნანობს. "ჩემი კლიენტი სრულიად განადგურებულია; ის ნანობს ჩადენილ დანაშაულს. არ ესმის, როგორ შეეძლო იმ ქალის მოკვლა, რომელიც ყველაზე მეტად უყვარდა“, – განაცხადა მან გამოცემა "The Sun“-თან საუბრისას.
გამოძიება გრძელდება, ხოლო ბრალდებულის სასამართლო პროცესი ჯერ არ გამართულა.