FBI აშშ-ის კონტრტერორისტული ცენტრის ყოფილი ხელმძღვანელის წინააღმდეგ გამოძიებას აწარმოებს - რას ედავებიან კო კენტს. რომელმაც ტრამპის ადმინისტრაცია გააკრიტიკა და გადადგა
FBI აშშ-ის კონტრტერორისტული ცენტრის ყოფილი ხელმძღვანელის, ჯო კენტის წინააღმდეგ გამოძიებას აწარმოებს. გავრცელებული ცნობებით, მას საიდუმლო ინფორმაციის გაჟონვას ედავებიან.
-
გამოძიება მანამდე დაიწყო, სანამ კენტი ეროვნული კონტრტერორისტული ცენტრის დირექტორის თანამდებობას დატოვებდა.
სამშაბათს თანამდებობიდან გადადგომის შესახებ განცხადების გაკეთებისას კენტმა აღნიშნა, რომ "სინდისი არ აძლევს უფლებას, მხარი დაუჭიროს ირანთან ომს“, რომელიც, მისი შეფასებით, "არავითარ გარდაუვალ საფრთხეს არ უქმნის“ შეერთებულ შტატებს. აღნიშნული განცხადება თეთრმა სახლმა კატეგორიულად უარყო და ხაზგასმით აღნიშნა, რომ ირანის მხრიდან არსებული საფრთხეები სერიოზულია.
კენტი პირველი მაღალი რანგის ამერიკელი ჩინოვნიკია, რომელმაც ადმინისტრაცია ირანთან კონფლიქტის გამო დატოვა.
ანტისემიტიზმის ბრალდებები
კენტის გადადგომიდან მალევე, თეთრი სახლის ადმინისტრაციის უფროსის ყოფილმა მოადგილემ, ტეილორ ბუდოვიჩმა, განაცხადა, რომ კენტი "ხშირად იყო შემჩნეული ეროვნული უსაფრთხოების შესახებ ინფორმაციის გაჟონვაში“. ბუდოვიჩს არ დაუკონკრეტებია, კონკრეტულად რომელ შემთხვევებს გულისხმობდა.
მედიის ცნობით, კენტი დიდი ხანია კრიტიკის ობიექტია ანტისემიტური და ანტი ისრაელური შეხედულებების გავრცელების ბრალდებების გამო.
- თანამდებობიდან გადადგომის შემდეგ, ულტრამემარჯვენე ჟურნალისტ ტაკერ კარლსონთან ინტერვიუში კენტმა განაცხადა, რომ არ არსებობს დაზვერვის მონაცემები, რომლებიც ირანის მიერ შეერთებულ შტატებზე "მოულოდნელი თავდასხმის“ შესაძლებლობაზე მიუთითებს და რომ თეირანი ბირთვული იარაღის შექმნის ზღვარზე იმყოფებოდა.