"იმ შემთხვევისთვის, თუ მტრები გამოჩნდებიან" - ლუკაშენკოსა და კიმ ჩენ ინის შეხვედრა ფხენიანში და საჩუქრები: შაშხანა, არაყი, ვაზა ლუკაშენკოს გამოსახულებით (ვიდეო)

ბელარუსის პრეზიდენტი, ალექსანდრე ლუკაშენკო ჩრდილოეთ კორეაში იმყოფება, სადაც აქვეყნის ლიდერს, კიმ ჩენს ინს შეხვდა. მხარეებმა "თანამშრომლობისა და მეგობრობის" ხელშეკრულება გააფორმეს.

კიმ ჩენ ინი ლუკაშენკოს თბილად მიესალმა და თქვა, რომ ორი ქვეყნის ურთიერთობა "ახალ ფაზაში შედის".

ბელარუსის ლიდერმა ჩრდილო კორეელ კოლეგას ბელარუსული წარმოების შაშხანა, შოკოლადი, არაყი, შავი პური და სხვადასხვა ტკბილეული ჩაუტანა საჩუქრად.

როდესაც შაშხანა გადასცა, თან ასე მიმართა - "იმ შემთხვევისთვის, თუ მტრები გამოჩნდებიან".

თავის მხრივ, ბელარუსული მედიის მიერ გამოქვეყნებულ ვიდეოში ჩანს, რომ კიმ ჩენ ინმა ლუკაშენკოს აჩუქა ვაზა, რომელზეც ბელარუსის პრეზიდენტის გამოსახულება იყო. კიდევ ერთი საჩუქარი, რომელიც ლუკაშენკომ მიიღო, ძვირფასი ლითონებისგან გამოჭედილი ხმალია.

შეხვედრისას კიმ ჩენ ინმა თქვა, რომ "ჩრდილოეთ კორეა დასავლეთის მხრიდან ბელარუსზე განხორციელებული უკანონო ზეწოლის წინააღმდეგია".

<iframe width="560" height="315" src="https://www.youtube.com/embed/RlXMujfbvnU?si=GwOh8SEj32zHpPSG" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>