კეიპტაუნში სახანძრო ვერტმფრენი ცეცხლში ჩავარდა - მფრინავი სიკვდილს სასწაულებრივად გადაურჩა: დრამატული კადრები

კეიპტაუნის მახლობლად, მთის ფერდობზე, კატასტროფა განიცადა ვერტმფრენმა, რომელიც ხანძრის ქრობის სამუშაოს ასრულებდა.

• ავიაკატასტროფის ამსახველი კადრები მედიაში ვრცელდება.

ვერტმფრენი მოულოდნელად კლდეს შეეჯახა, კონტროლი დაკარგა და ცეცხლში ჩავარდა.

<iframe width="560" height="315" src="https://www.youtube.com/embed/rBCMdrVjQ2g?si=dHF4lMb-eT1QTIBp" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

ტრაგედია ზღვისპირა რაიონში გაჩენილი მასშტაბური ტყის ხანძრის წინააღმდეგ მიმდინარე ბრძოლის დროს მოხდა. ვერტმფრენს ახლად შევსებული 1000-ლიტრიანი წყლის ავზი მიჰქონდა.

გამოცდილმა პილოტმა კაბინიდან გამოსვლა მოახერხა და უსაფრთხო ადგილს შეაფარა თავი.

• “საბედნიეროდ ვერტმფრენი ცეცხლში თავდაყირა, კლდის ქიმებს შორის იყო გაჭედილი, თუ ეს არ მოხდებოდა, მაშინ ის კიდევ უფრო დაბლა 3 280 ფუტზე დაეცემოდა და პილოტს გადარჩენის შანსი საერთოდ არ ექნებოდა“, - განაცხადა ერთ-ერთმა თვითმხილველმა.

მიუხედავად იმისა, რომ მფრინავს სერიოზული ჭრილობები და დაჟეჟილობები აღენიშნება, მან თავადვე შეძლო მთიდან ჩამოსვლა, სადაც სასწრაფო დახმარების მანქანა ელოდებოდა, რომელმაც დაზარალებული, სრული შემოწმებისთვის საავადმყოფოს გადაუდებელი დახმარების განყოფილებაში გადაიყვანა.

წყარო