მოპარულია F1-ის მანქანების ფორმის მქონე შოკოლადები - იტალიაში 12 ტონაზე მეტი ტკბილეული მოიპარეს

იტალიაში KitKat-ის ტკბილეულის დიდი პარტია მაშინ მოიპარეს, როცა ის დისტრიბუტორებს გადაჰქონდათ, საუბარია ისეთი რაოდენობის ტკბილეულის ქურდობაზე, რომ ზოგიერთ ადგილას მისი დეფიციტის შექმნას არ გამორიცხავენ.

• France-Presse-ის ცნობით, 26 მარტს მოიპარეს სატვირთო, რომელსაც 12 ტონა შოკოლადი გადაჰქონდა იტალიიდან პოლონეთში.მიჰქონდა. KitKat-ის მშობელი კომპანიის, Nestlé-ს წარმომადგენელმა ქურდობის ფაქტი Guardian-ს დაუდასტურა და დასძინა, საქმესთან დაკავშირებით გამოძიება მიმდინარეობს. ავტომობილი და წაღებული შოკოლადი ჯერ ნაპოვნი არ არის.

Nestlé-ს წარმომადგენლის განცხადებით, ძარცვის დროს არავინ დაშავებულა.

"მიუხედავად იმისა, რომ ჩვენ ვაფასებთ დამნაშავეების განსაკუთრებულ გემოვნებას, ასეთი რაოდენობის ტვირთის მოპარვა ყველა ბიზნესისთვის დიდი დარტყმა იქნებოდა", - ნათქვამია "ნესტლეს" განცხადებაში.

გამოცემა Athletic-ის ცნობით, მოპარული ფილები KiKat-ის ახალი, "ფორმულა 1"-ის ხაზიდან იყო და შოკოლადის ფილებს F!-ის მანქანების ფორმა ჰქონდა.