როდის გამოიდარებს საქართველოში და რამდენ ხანს გაგრძელდება უნალექო ამინდი?

საქართველოში წვიმიანი ამინდი ხვალამდე გასტანს.

როგორც სინოპტიკოსი თამარ პაპაშვილი განმარტავს, ნალექი დღეს მთელი ქვეყნის მასშტაბითაა მოსალოდნელი, თუმცა ხვალიდან ვითარება შეიცვლება.

• როდის გამოიდარებს?

სპეციალისტების პროგნოზით, ხვალ დღის მეორე ნახევრიდან როგორც დასავლეთ, ისე აღმოსავლეთ საქართველოში გამოიდარებს. უნალექო ამინდი შენარჩუნდება 1-ელ და 2 აპრილსაც. ამ პერიოდში მცირე ნალექია მოსალოდნელი მხოლოდ მაღალმთიან რაიონებში. თუმცა მშრალი ამინდები დიდხანს არ გაგრძელდება.

3 აპრილიდან საქართველოში კვლავ არამდგრადი ამინდია მოსალოდნელი.

დასავლეთ საქართველოში კვლავ იწვიმებს,

რაც შეეხება აღმოსავლეთ საქართველოს: ნალექია მოსალოდნელი ზოგიერთ რაიონში, მათ შორის დედაქალაქშიც, სინოპტიკოსები ქარის გაძლიერებასაც პროგნოზირებენ.

წინ ცვალებადი ამინდები გველის, ამიტომ ქოლგის შენახვას ჯერ ნუ იჩქარებთ.