თანასოფლელი დედა-შვილის მიერ, ყარაჯალაში ნაცემი და დაყაჩაღებული ქალი ამ დრომდე თელავის ცენტრალურ საავადმყოფოში რჩება

სოფელ ყარაჯალაში ნაცემი და დაყაჩაღებული შუახნის ქალი ამ დრომდე თელავის ცენტრალურ საავადმყოფოში მკურნალობს. პაციენტი კლინიკაში სასწრაფო-სამედიცინო დახმარების ჯგუფმა სისხლნაჟღენთი დაზიანებებით გუშინ დილით შეიყვანა.

• ექიმის ინფორმაციით, ქალს სხეულზე მრავლობითი დაზიანებები აღენიშნება, რის გამოც ჩაუტარდა შესაბამისი კლინიკურ-დიაგნოსტიკური კვლევები და გადაყვანილია ნევროლოგიურ განყოფილებაში.

შემთხვევა თელავის მუნიციპალიტეტის სოფელ ყარაჯალაში მოხდა. არსებული ინფორმაციით, ნიღბიანმა ქალებმა თანასოფლელ ქალს სცემეს და თანხა გასტაცეს.

შსს-ს ინფორმაციით, ყაჩაღობის ბრალდებით დედა-შვილი და კიდევ ერთი პირი დააკავეს.

იხილეთ ასევე:

• ნიღბიანი დედა-შვილი სახლში შეიჭრნენ, ფიზიკურად იძალადეს მსხვერპლზე და 8 200 ლარი, საბანკო ბარათები და მობილური ტელეფონი გასტაცეს - შსს-მ 3 პირი დააკავა: რა დეტალები ხდება ცნობილი