"ვურეკავ მაკრონს. რომელსაც ცოლი ძალიან ცუდად ექცევა" - რას ამბობს დონალდ ტრამპი ემანუელ მაკრონის შესახებ
აშშ-ის პრეზიდენტმა, დონალდ ტრამპმა მორიგი საჯარო გამოსვლის დროს NATO-ს წევრი ქვეყნები გააკრიტიკა და საფრანგეთის პრეზიდენტის, ემანუელ მაკრონის შესახებ ირონიულად ისაუბრა.
- აღსანიშნავია, რომ ვიდეო თავდაპირველად თეთრი სახლის YouTube არხზე მცირე ხნით გამოქვეყნდა და შემდეგ კი წაშალეს.
"ვურეკავ მაკრონს. რომელსაც ცოლი ძალიან ცუდად ექცევა. ის ჯერ კიდევ გამოჯანმრთელების პროცესშია მარჯვენა ყბაზე მიყენებული ტრავმის გამო“, - თქვა დონალდ ტრამპმა, რასაც დარბაზში მყოფთა მხრიდან სიცილი მოჰყვა.
<iframe width="560" height="315" src="https://www.youtube.com/embed/1g8rpT1uFIo?si=s_MDSQUxn4ysSiFz" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>- France-Presse-ის ცნობით, ტრამპი 2025 წლის მაისში გავრცელებულ ვიდეოს გულისხმობდა, სადაც ბრიჯიტ მაკრონი საფრანგეთის პრეზიდენტს სახეზე უხეშად ეხება.
ტრამპის თქმით, მან საფრანგეთს ირანის წინააღმდეგ სამხედრო მოქმედებებში დახმარება სთხოვა: "ვუთხარი: "ემანუელ, ჩვენ ძალიან გვინდა დახმარება სპარსეთის ყურეში, მიუხედავად იმისა, რომ რეკორდებს ვამყარებთ ბალისტიკური რაკეტების განადგურებაში. თუ შეგიძლიათ, გთხოვთ, დაუყოვნებლივ გაგზავნოთ გემები“.
მისივე თქმით, მაკრონის პასუხი ასეთი იყო: "არა, არა, არა, ჩვენ ამის გაკეთება არ შეგვიძლია, დონალდ. ჩვენ ამის გაკეთება ომის მოგების შემდეგ შეგვიძლია“.
- ნახეთ ასევე:
- "ჩემს ცოლთან ერთად ვხუმრობდი, რასაც ხშირად ვაკეთებთ" - ემანუელ მაკრონი გავრცელებულ ვიდეოზე
- ემანუელ და ბრიჯიტ მაკრონების სკანდალებით სავსე ურთიერთობა: მოსწავლე-მასწავლებლის რომანიდან საჯარო "გასილაქებამდე"