ჰანდე ერჩელის ნარკოლოგიური ტესტის პასუხი ცნობილია - რას წერს თურქული მედია პოპულარულ მსახიობზე?
სტამბოლში მიმდინარე ფართომასშტაბიანი გამოძიების ფარგლებში, რომელშიც რამდენიმე ცნობილი სახის სახელი ფიგურირებდა, პოპულარული თურქი მსახიობის, ჰანდე ერჩელის სასამართლო-სამედიცინო ექსპერტიზის დასკვნა გამოქვეყნდა.
ექსპერტიზამ ნარკოტიკული ნივთიერების კვალი ვერ აღმოაჩინა
სასამართლო მედიცინის ინსტიტუტის მიერ ჩატარებული ლაბორატორიული კვლევების შედეგად დადგინდა, რომ მსახიობის ორგანიზმში აკრძალული ნივთიერებების კვალი არ არსებობს. ტესტის პასუხი უარყოფითია. მიუხედავად იმისა, რომ ერჩელის მიმართ ეჭვები გაიფანტა, სამართალდამცავები აცხადებენ, რომ გამოძიება საქმეში მონაწილე სხვა ეჭვმიტანილების მიმართ კვლავ აქტიურ ფაზაში გრძელდება.
რა გახდა გამოძიების მიზეზი?
სტამბოლის მთავარი პროკურატურის მიერ დაწყებული გამოძიების ფარგლებში, სამართალდამცავებმა რამდენიმე ცნობილი ადამიანი დაკითხეს. პროცედურის მიხედვით, მათ ბიოლოგიური ნიმუშები (სისხლი და თმა) ანალიზისთვის ჩამოართვეს.
ჰანდე ერჩელი, რომელიც გამოძიების დაწყებისას ქვეყნის გარეთ იმყოფებოდა, თურქეთში სპეციალურად ჩვენების მისაცემად დაბრუნდა.
"ჩემი ცხოვრების არცერთ ეტაპზე არასდროს გამომიყენებია ნარკოტიკული ან მასტიმულირებელი საშუალებები,“ - განაცხადა მსახიობმა პროკურორთან საუბრისას.
მან ასევე აღნიშნა, რომ გავრცელებულმა ჭორებმა და საჯარო ბრალდებებმა მას მორალური ზიანი მიაყენა და იმედგაცრუებული დარჩა საზოგადოებაში აგორებული ნეგატიური კამპანიით.
წაიკითხეთ ასევე:
- ნარკოტესტის პასუხები ცნობილია: ვინ ჩასვეს ციხეში და ვის აეკრძალა ქვეყნიდან გასვლა - თურქი ვარსკვლავების სკანდალი გრძელდება
- გამოქვეყნდა ჰანდე ერჩელის ჩვენება - რა თქვა მსახიობმა სასამართლოს წინაშე