“გთხოვთ გადაიკითხოთ“ - რობერტ სტურუა მისი ახალი სპექტაკლის, “ვეფხისტყაოსნის“ კრიტიკოსებს მიმართავს
რეჟისორი რობერტ სტურუა მისი ახალი სპექტაკლის “ვეფხისტყაოსნის“ გარშემო ატეხილ აჟიოტაჟს სოციალურ ქსელში პასუხობს.
რუსთაველის ეროვნულ თეატრში ნამდვილი კულტურული აფეთქება მოხდა მას შემდეგ, რაც რობერტ სტურუამ მაყურებელს შოთა რუსთაველის გენიალური პოემის საკუთარი ხედვა - "ვეფხისტყაოსანი" წარუდგინა. ოფიციალურ აღიარებასთან ერთად, სპექტაკლს სკანდალური გამოხმაურებაც მოჰყვა - განსაკუთრებული კრიტიკის ქარცეცხლში თინათინის როლის შემსრულებელი, ქეთი სვანიძე მოექცა.
სპექტაკლი ქართული თეატრის ლეგენდის, სანდრო ახმეტელის 140-ე წლისთავს მიეძღვნა. სოციალურ ქსელში გავრცელებულმა მისმა ფრაგმენტებმა, არცთუ დადებითი გამოხმაურება გამოიწვია. საზოგადოების ნაწილმა ეროტიკულად ადა მიუღებლად მიიჩნია რიგი სცენები, ნაწილი კი მიიჩნევს, რომ ეს უნიჭოდ დადგმული სპექტაკლია.
“ასეც ვიცოდი ნაცისტებს, ვითომ ქართველებს, “ვეფხისტყაოსანი” არ წაუკითხავთ!
გთხოვთ, ნუ ბაძავთ, ძმებ ნაცებს, ყველა დიდ ქართველ გენიოსებს, მიწაში რომ დებენ, ბოღმით ამომხმარნი! იმათაც გამორჩათ, ისევე როგორც ძალიან წესიერ ქალწულებს დაავიწყდათ, დიდი რუსთაველის სტრიქონი, (შესაძლოა ქართულს კარგად არ ფლობენ!)
როცა ავთანდილი თინათინმა იხმო:
“გ ა ძ ც ვ რ ი ლ ს ა ტანსა ემოსნეს ყარყუმნი უსაპირონი!”
აკაკიმ თქვა, რომ - 1000 ქართველში ოთხს ან ხუთს თუ ექნება გადაკითხული “ვეფხისტყაოსანიო”!
დღეს როგორაა საქმე - სავსებით ნათელია! ძალიან აღელდნენ მარკიზ დე სადის მონაწილეები, და ძალზე წესიერი, უშვერ სიტყვათა ოსტატი ქალწულებმაგვარი პოლიტიკოსი ქალები (შემოსავალზე ფიქრობენ ალბათ!)!
ვხსნი: “თინათინისაგან ავთანდილის გაგზავნა მის ყმის საძებრად”-127. პირველი სტრიქონი: ნოდარ ნათაძეს კომენტარი:
“გ ა ძ რ ც ვ ი ლ ს ა - შიშველ ტანზე!”
გთხოვთ, სანამ წინასწარ დაწერილ მორეცენზიო აზრებს დაბეჭდავთ სპექტაკლზე, მაინც გადაიკითხოთ უდიდესი პოეტის უდიდესი პოემა!!!“ - წერს რობერტ სტურუა.
იხილეთ ასევე:
- "დიდი მოლოდინებით წავედი თეატრში... სცენაზე ვიხილე თეატრის გარყვნა... მორიგი სნობური ღლიცინი" - გამოხმაურებები "ვეფხისტყაოსნის" პრემიერის შემდეგ: რა არ მოეწონა მაყურებელს?
- "სწორედ ის თინათინია, რომელიც სტურუას სამყაროს სჭირდებოდა" - ექიმი მეუღლე და ოჯახი, როგორც მოტივაცია: რა არის ცნობილი მსახიობზე, რომელიც კრიტიკის ქარცეცხლში გაეხვა