ფილარმონიიდან პარლამენტისკენ სახელწოდებით - "წინააღმდეგობის 500 დღე“, საპროტესტო მარში გაიმართა
ფილარმონიიდან საკანონმდებლო ორგანოს მიმართულებით, სახელწოდებით - „წინააღმდეგობის 500 დღე“, საპროტესტო მარში გაიმართა, რის შემდეგაც საკანონმდებლო ორგანოსთან აქცია განახლდა.
მსვლელობის მონაწილეები თავდაპირველად ფილარმონიასთან შეიკრიბნენ, საიდანაც პროტესტის დაწყებიდან 500 დღის აღსანიშნად მარში მოაწყვეს და პარლამენტთან შეკრებილ აქციის მონაწილეებს შეუერთდნენ.
მათ ადგილზე მიტანილი აქვთ საქართველოსა და ევროკავშირის დროშები. ასევე საპროტესტო ბანერი წარწერით: ,,ძალა ერთობაშია”.
23:00 საათიდან, პარლამენტთან მყოფი მოქალაქეები ქაშვეთის ტაძართან აპირებენ გადანაცვლებას, სადაც აღდგომის ბრწყინვალე დღესასწაულს ერთად შეხვდებიან.