ტრამპმა წაშალა AI ფოტო, სადაც ის იესოს მსგავსად იყო წარმოდგენილი - "არ მიყვარს პოსტების წაშლა, მაგრამ..."

აშშ-ის პრეზიდენტ დონალდ ტრამპის განცხადებით, სოციალურ ქსელში გამოქვეყნებული პოსტი ხალხში "დაბნეულობის" გამო წაშალა. საუბარია ხელოვნური ინტელექტის მიერ გენერირებულ სურათზე, სადაც ის იესო ქრისტეს მსგავსად იყო წარმოდგენილი.

• ტრამპმა აღნიშნა, რომ ჩვეულებრივ მსგავსი კონტენტის წაშლა არ უყვარს, თუმცა ამ შემთხვევაში არ სურდა საზოგადოება შეცდომაში შეეყვანა. მისი თქმით, "ხალხი დაბნეული იყო“, რის გამოც პოსტის წაშლა გადაწყვიტა.

პრეზიდენტის განმარტებით, ის ფოტოზე ექიმის ფორმაში იყო წარმოდგენილი. ტრამპის პოსტმა სოციალურ ქსელებში დაბნეულობა გამოიწვია. მომხმარებელთა ნაწილი მას აკრიტიკებდა, ნაწილი კი მის ინტერპრეტაციაზე დავობდა.

"საქმე წითელ ჯვარს ეხებოდა. ჩემ გარშემო სამედიცინო პერსონალი იყო, მე კი ექიმს ვგავდი - ცოტა სახალისო იყო, ექიმის როლს ვთამაშობდი და ადამიანებს ვეხმარებოდი“, - თქვა მან მედიასთან.

პრეზიდენტმა ასევე აღნიშნა, რომ პოსტის წაშლა არ უკავშირდებოდა კონსერვატორი აქტივისტის, რაილი გეინსის კრიტიკას და თქვა, რომ ეს გადაწყვეტილება დამოუკიდებლად მიიღო.

წყარო