"პალიტრა მედია" 31 წლის გახდა - როგორ იწერებოდა ისტორია
"პალიტრა მედია ჰოლდინგი" 31 წლის გახდა, ყველაფერი კი 1995 წლის 18 აპრილს გაზეთ "კვირის პალიტრის" პირველი ნომრით დაიწყო.
ფილმი, რომელსაც გთავაზობთ, გადაღებულია 3 წლის წინ.
- ამ წლების განმავლობაში ჩვენი გუნდის თავდაუზოგავმა შრომამ ერთი ბეჭდური გამოცემა საქართველოში უმსხვილეს მულტიმედია ჰოლდინგად აქცია. ჩვენი მიზანი და ფასეულობები, ვყოფილიყავით მიუკერძოებელი მედიასაშუალება და, ამავდროულად, ხელი შეგვეწყო საზოგადოების განათლების ამაღლებისთვის - უცვლელი დარჩა. გაიზარდა მხოლოდ კომპანიის მასშტაბი.
დღესდღეობით ჰოლდინგი აერთიანებს რამდენიმე ბეჭდურ გამოცემას, 20-ზე მეტ საინფორმაციო და ელექტრონული კომერციის ვებგვერდს, რადიოს, ტელევიზიას, გამომცემლობას, წიგნებისა და სათამაშოების მაღაზიათა ქსელებს, სტამბას, ქაღალდის სადისტრიბუციო კომპანიას, ქაღალდის საწარმოს, სარეკლამო და ივენთ კომპანიებს.