ტურისტი ნეაპოლის ქუჩაში მიდიოდა, რა დროსაც შენობიდან ქანდაკება გადმოაგდეს და ახალგაზრდა ქალი დაიღუპა - იტალიაში ორი წლის წინ მომხდარ ტრაგედიაზე ახალი დეტალები ხდება ცნობილი

2024 წლის 15 სექტემბერს იტალიაში, ნეაპოლში ტურისტს, ახალგაზრდა ქალს, კიარა ჯაკონისს ერთ-ერთი საცხოვრებელი სახლის აივნიდან მოზარდის მიერ გადმოგდებული ქანდაკება თავის არეში მოხვდა, რის შედეგადაც 30 წლის ჯაკონისი ადგილზე დაიღუპა.

• ახლახან ცნობილი გახდა, რომ მოზარდს, რომელმაც ქანდაკება გადმოაგდო, ბრალდება მოუხსნეს იმის გამო, რომ არასრულწლოვანია, თუმცა უცნაური ის არის, რომ მშობლებმა სასამართლოს გადაწყვეტილება გაასაჩივრეს და ითხოვენ, რომ მათი შვილი "საქმის ფაქტობრივი გარემოებების საფუძველზე" გამართლდეს და არა უბრალოდ არასრულწლოვანების გამო.

• ცნობისთვის, კიარა ჯაკონისი სამოგზაუროდ შეყვარებულთან ერთად იმყოფებოდა.

წყვილმა კიარას დაბადების დღე აღნიშნა და კუნძულზე გატარებული უქმეების შემდეგ შინ დასაბრუნებლად ემზადებოდნენ, როდესაც ნეაპოლის ესპანურ კვარტალში, წყნარ ქუჩაზე ბარგით მოძრაობისას ქალმა საბედისწერო დარტყმა მიიღო.

პოლიციის განცხადებით, 2-კილოგრამიანი ფიგურა, რომელიც კიარას თავში მოხვდა 13 წლის ბიჭმა გადმოაგდო.

• მომხდარის შემდეგ კიარა საავადმყოფოში გადაიყვანეს და სასწრაფო ოპერაცია ჩაუტარდა, თუმცა, სამწუხაროდ, ორი დღის შემდეგ ის ტვინის მძიმე დაზიანებით გარდაიცვალა.

პროკურატურა აცხადებს რომ, ტრაგედიის თავიდან აცილება შესაძლებელი იქნებოდა, მშობლებს მეტი ყურადღება რომ მიექციათ შვილისთვის, რომელსაც, სავარაუდოდ, წარსულშიც ჰქონდა მსგავსი საშიში ქმედებები ჩადენილი.

მოპასუხე მხარე ყოველგვარ ბრალეულობას უარყოფს და აცხადებს, რომ მომხდართან კავშირი არ აქვთ და ქანდაკება მათ არც კი ეკუთვნოდათ.

წყარო