“თემურ ქეცბაიამ “დინამო თბილისთან“ კონტრაქტი 2028 წლის ბოლომდე გააფორმა“ - რა ახალი დეტალები ხდება ცნობილი სამწვრთნელო შტაბის შესახებ

Geo Team-ის ცნობით, თბილისის “დინამოს“ თემურ ქეცბაია ჩაუდგება სათავეში. ამის შესახებ ინფორმაცია გვერდმა რამდენიმე დღის წინ გაავრცელა.

“თემურ ქეცბაია “დინამო თბილისში“! Geo Team-ის ინფორმაციით, თემურ ქეცბაია “დინამო თბილისის“ ახალი მთავარი მწვრთნელი გახდება. ეროვნულ ლიგაში ზედიზედ მე-7 მატჩის ვერმოგების შემდეგ, “დინამო“ ვლადიმერ კაკაშვილთან თანამშრომლობას შეწყვეტს. ლეგენდარული დინამოელი სახლში ბრუნდება“, - წერდა Geo Team.

• ცნობილი ხდება ახალი დეტალები აღნიშნულთან დაკავშირებით. როგორც ჩანს ლეგენდარული ქართველი ფეხბურთელი “თბილისის დინამოს“ 2028 წლამდე უხელმძღვანელებს.

“𝐁𝐑𝐄𝐀𝐊𝐈𝐍𝐆: თემურ ქეცბაიამ დინამო თბილისთან კონტრაქტი 2028 წლის ბოლომდე გააფორმა.

ლეგენდარულ ქართველთან ერთად სამწვრთნელო შტაბში სოსო ჭედია და გელა ინალიშვილი იმუშავებენ,“ - წერს სპორტული გვერდი.

ქეცბაია ბოლოს “ანორთოსისში“ მუშაობდა, რომელიც 3 თებერვალს დატოვა.

იხილეთ ასევე:

• თემურ ქეცბაია თბილისის "დინამოს" მწვრთნელი ხდება - Geo Team