ამერიკელ სამხედროს ბრალი წაუყენეს მას შემდეგ, რაც მან მადუროს გადაყენებაზე ფსონი დადო და 400 000 დოლარი მოიგო
აშშ-ის სპეცდანიშნულების რაზმის ჯარისკაცი, რომელიც ნიკოლას მადუროს დაკავების სამხედრო ოპერაციაში მონაწილეობდა, დააპატიმრეს მას შემდეგ, რაც მან ვენესუელის ყოფილი ლიდერის გადაყენებაზე მანამ დადო ფსონი, სანამ ეს ინფორმაცია საჯარო გახდებოდა.
-
აშშ-ის იუსტიციის დეპარტამენტმა (DOJ) ბრალი განონ კენ ვან დაიკს წაუყენა. როგორც მედია წერს, მან კრიპტო-პლატფორმა Polymarket-ზე ფსონი საიდუმლო ინფორმაციაზე დაყრდნობით დადო.
“ეს არის აშკარა ინსაიდერული ვაჭრობა და ფედერალური კანონმდებლობით უკანონოა“, - განაცხადეს იუსტიციის დეპარტამენტის წარმომადგენლებმა.
ვან დაიკმა, რომელიც არის აშშ-ის არმიის მოქმედი ჯარისკაცი და მსახურობს ფორტ ბრეგში (Fort Bragg), ჩრდილოეთ კაროლინაში, თავისი ფსონების შედეგად 409 000 დოლარზე მეტი მოიგო.
საბრალდებო დასკვნის თანახმად, ვან დაიკს ბრალი ედება:
- კონფიდენციალური სამთავრობო ინფორმაციის უკანონო გამოყენებაში პირადი სარგებლისთვის;
- არასაჯარო სამთავრობო ინფორმაციის ქურდობაში;
- თაღლითობაში სასაქონლო ბირჟაზე;
- ელექტრონულ თაღლითობასა და უკანონო ფულადი ტრანზაქციის განხორციელებაში;
შეგახსენებთ, ამერიკულმა ძალებმა მადურო და მისი მეუღლე, სილია ფლორესი, კარაკასში მდებარე მათი რეზიდენციიდან ღამის რეიდის შედეგად 3 იანვარს შეიპყრეს და ნიუ-იორკში გადაიყვანეს. მათ იარაღისა და ნარკოტიკების უკანონო ვაჭრობა ედებათ ბრალად.