“საბოლოო ჯამში, ირანს ბირთვული იარაღი არ ექნება“ - პიტ ჰეგსეთი

აშშ-ის ომის მინისტრის, პიტ ჰეგსეთის განცხადებით, აშშ-მა ირანში გადამწყვეტ სამხედრო შედეგს სულ რაღაც რამდენიმე კვირაში მიაღწია.

“საბოლოო ჯამში, ირანს ბირთვული იარაღი არ ექნება“, - აღნიშნა ჰეგსეთმა პრესკონფერენციაზე.

მისი თქმით, ირანს აქვს შანსი, “კარგი, გონივრული გარიგება დადოს“.

• ჰეგსეთმა ხაზი გაუსვა, რომ აშშ-ის საზღვაო ძალების მიერ ირანის პორტებზე დაწესებული ბლოკადა “დღითიდღე უფრო და უფრო ძლიერდება“.

მისი თქმით, აშშ-ის საზღვაო ძალები ბლოკადას “ყოყმანისა და ბოდიშის მოხდის გარეშე“ ახორციელებენ.

“ეს მოიცავს ყველა გემს, რომელიც ჩვენს კრიტერიუმებს აკმაყოფილებს. ირანულ გემებს, ან ირანის პორტებში მიმავალ და იქიდან მომავალ გემებს“, - აღნიშნა ჰეგსეთმა.

მისი თქმით, დღეს დილის მონაცემებით, სულ ოცდათოთხმეტი გემი გააბრუნეს.

ჰეგსეთმა აღნიშნა, რომ აშშ-მა ამ კვირაში ინდო-წყნარი ოკეანის რეგიონში ირანის ფლოტის ორი გემი დააკავა და დასძინა: “კიდევ ბევრს დავაკავებთ“.

ამასთან, აშშ-ის ომის მინისტრის თქმით, ჰორმუზის სრუტე ევროპას უფრო მეტად სჭირდება, ვიდრე შეერთებულ შტატებს.

“ჩვენ ევროპას არ ვეყრდნობით, მაგრამ მათ ჰორმუზის სრუტე ჩვენზე მეტად სჭირდებათ. ეს ბევრად უფრო მათი ბრძოლაა, ვიდრე ჩვენი“, - აღნიშნა ჰეგსეთმა.

წყარო