შრი-ლანკაში, აეროპორტში დააკავეს 22 ბუდისტი ბერი, რომლებსაც 110 კგ კანაფი გადაჰქონდათ
შრი-ლანკის აეროპორტში 22 ბუდისტი ბერი დააკავეს მას შემდეგ, რაც სამართალდამცველებმა მათ ბარგში 110 კგ კანაფი აღმოაჩინეს.
-
საბაჟო სამსახურის თანამშრომლების თქმით, გარდა ამისა, თითოეულ ბერს დედაქალაქ კოლომბოში ჩასვლისას ბარგში "ცრუ კედლებში“ დამალული დაახლოებით 5 კგ განსაკუთრებით ძლიერი ფორმის ნარკოტიკიც აღმოაჩნდათ.
ბერები, რომლებიც ძირითადად სტუდენტები იყვნენ, ტაილანდიდან ბრუნდებოდნენ მას შემდეგ, რაც ანონიმურმა პირმა 4 დღით უმასპინძლათ და ხარჯებიც სრულად დაფარა.
კიდევ ერთი, 23-ე ბერი, რომელიც სავარაუდოდ, ამ მოგზაურობის ორგანიზატორი იყო, კოლომბოს ერთ-ერთ გარეუბანში დააკავეს. პოლიციის პრესსპიკერი თქმით, მან დანარჩენ ბერებს უთხრა, რომ "ეს ამანათები შემოწირულო" იყო და როდესაც მათ შრი-ლანკაში ჩაიტანდნენ, მათ წასაღებად ფურგონი მივიდოდა.
შრი-ლანკის პოლიციის ნარკოტიკებთან ბრძოლის ბიურომ ზოგიერთი ბერის მობილურ ტელეფონში აღმოაჩინა ფოტოები სადაც აღბეჭდილია, თუ როგორ ისვენებენ და ერთობიან ისინი სხვადასხვა ადგილებში, ჩვეულებრივ სამოსში გამოწყობილები.
დაკავებულებს 7-დღიანი წინასწარი პატიმრობა შეეფარდათ. გამომძიებლები ვარაუდობენ, რომ ბერებმა შესაძლოა, არც იცოდნენ, რომ ნარკოტიკები გადაჰქონდათ.