სროლა ათენის ცენტრში სოციალური სამსახურისა და სასამართლოს შენობებში - არიან დაჭრილები: პოლიცია 89 წლის მამაკაცს ეძებს

ათენის პოლიცია ეძებს მამაკაცს, რომელმაც ქალაქის ცენტრში, სოციალური დაცვისა და სასამართლოს შენობაში ცეცხლი გახსნა, რის შედეგადაც სულ მცირე, 4 ადამიანი დაიჭრა.

არსებული ინფორმაციით, თავდამსხმელი 89 წლისაა.

• სამართალდამცველთა ცნობით, ცეცხლსასროლი იარაღით შეიარაღებულმა თავდამსხმელმა თავდაპირველად სოციალური დაცვის ოფისში გახსნა ცეცხლი და ერთი თანამშრომელი დაჭრა, ხოლო შემდეგ სასამართლოს შენობაში, სადაც მედიის ცნობით, კიდევ 3 ადამიანი დაიჭრა. მან ადგილიდან მიმალვა მოახერხა.

ადგილობრივმა მედიამ გაავრცელა სათვალთვალო კამერის ჩანაწერი, რომელიც, მათი თქმით, სოციალური დაცვის ოფისთან მდებარე მაღაზიიდან არის აღებული. ვიდეოში ჩანს მამაკაცი, რომელიც მშვიდად კვეთს ქუჩას და მარჯვენა ხელში მოკლე ლულის მქონე იარაღი აქვს.

ცნობილია, რომ სამართალდამცავებმა თოფი უკვე იპოვეს

თავდასხმის მოტივი ჯერჯერობით ცნობილი არ არის. როგორც ბერძნული მედია წერს, თავდამსხმელმა სასამართლოში სროლის შემდეგ დატოვა კონვერტი, სადაც სავარაუდოდ, მისი ქმედების მიზეზია განმარტებული.