პროდუქტები, რომელიც ძილის წინ არ უნდა მიირთვათ, თუ გინდათ, რომ წნევამ არ აგიწიოთ

ჯანსაღი და დაბალანსებული კვება არტერიული წნევის სტაბილურობის ერთ-ერთი მთავარი წინაპირობაა. მედიკოსებმა შეადგინეს იმ პროდუქტების სია, რომლებიც ორგანიზმში სითხის შეკავებას უწყობენ ხელს ან გულ-სისხლძარღვთა სისტემის სტიმულირებას ახდენენ, რაც ღამის საათებში წნევის მკვეთრ მატებას იწვევს.

ექიმების რეკომენდაციით, გულ-სისხლძარღვთა პრობლემების მქონე პირებმა რაციონიდან უნდა ამოიღონ ან მაქსიმალურად შეზღუდონ შემდეგი პროდუქტების მიღება დაძინებამდე რამდენიმე საათით ადრე:

• პროდუქტები, რომლებიც საფრთხეს უქმნის თქვენს სისხლძარღვებს:

მარილიანი თევზი ზეთში: მარილისა და ცხიმის კომბინაცია პირდაპირ მოქმედებს არტერიულ წნევაზე.

ხორცის კონსერვები: შეიცავს დიდი რაოდენობით ნატრიუმს და კონსერვანტებს.

მზა სუპები და სოუსები: ქილებში დაფასოებული ნახევარფაბრიკატები ხშირად "მარილის ბომბია“.

დაკონსერვებული ბოსტნეული: მარინადები ხელს უწყობს ორგანიზმში სითხის შეკავებას და შეშუპებას.

ტკბილი სასმელები: გაზიანი სასმელები, ენერგეტიკები და ტკბილი ყავის კოქტეილები იწვევს გლუკოზის მკვეთრ ნახტომს, რაც თავის ტკივილის, გადაღლილობისა და ჰიპერტონიის განვითარების მიზეზი ხდება.

• ექიმების გაფრთხილება

ამ პროდუქტების რეგულარულმა მოხმარებამ შესაძლოა გამოიწვიოს არა მხოლოდ წნევის მერყეობა, არამედ ჰიპერტონიული კრიზიც. მარილის ჭარბი რაოდენობა აუარესებს თირკმელების მუშაობას და იწვევს სისხლძარღვებზე დატვირთვის გაზრდას.

• რა ითვლება ნორმად?

არტერიული წნევის ოპტიმალურ მაჩვენებლად მიჩნეულია 120/80-ზე, თუმცა ინდივიდუალური ნორმა შესაძლოა ოდნავ განსხვავდებოდეს.

კვლევები ადასტურებს, რომ წნევის შენარჩუნება 120-ზე დაბალ ნიშნულზე საგრძნობლად ამცირებს ინფარქტის, ინსულტისა და გულის უკმარისობის რისკებს. თუ თქვენს რაციონს გადახედავთ და ძილის წინ მარილიან საკვებზე უარს იტყვით, თქვენს გულს მუშაობას მნიშვნელოვნად გაუადვილებთ.