ყვარელში მომხდარ ავარიას 17 წლის ბიჭის სიცოცხლე ემსხვერპლა - რა დეტალებია ცნობილი?
ავარიას ყვარელში ახალგაზრდა ბიჭის სიცოცხლე ემსხვერპლა.
გარდაცვლილია 17 წლის გიორგი ბუჯიაშვილი. შემთხვევა გუშინ საღამოს ყვარლის მიმდებარე ტერიტორიაზე მოხდა.
თვითმხილველების თქმით, მძღოლმა საჭე ვერ დაიმორჩილა და ბუნებრივი აირის მილს დაეჯახა. შეჯახება იმდენად ძლიერი აღმოჩნდა რომ აალება გამოიწვია. შედეგად, ადგილზე გარდაიცვალა 17 წლის ახალგაზრდა.
მანქანაში კიდევ რამდენიმე ახალგაზრდა იმყოფებოდა, რომლებიც სხვადასხვა დაზიანებებით კლინიკაში არიან გადაყვანილები.
მომხდარზე დაწყებულია გამოძიება.