ბუდუ ზივზივაძე ასახელებს ხრიკს, რომელიც მას "კვარამ" ბაიერნისთვის გოლის გასატანად ასწავლა - "მეორე გოლის დროს გამომადგა"
მას შემდეგ, რაც ჩემპიონთა ლიგაზე ხვიჩა კვარაცხელიამ "ბაიერნს" ორი გოლი გაუტანა, საქართველოს ნაკრების კიდევ ერთმა ფეხბურთელმა, ბუდუ ზივზივაძემაც შეძლო იგივე. ბუდუმ ბუნდესლიგის ფარგლებში აიღო ბაიერნის კარი ორჯერ.
მატჩის ბოლოს, ჟურნალისტს ზივზივაძემ უთხრა, რომ მანამდე ხვიჩას ესაუბრა, რომელმაც რამდენიმე ხრიკი ასწავლა ბაიერნისთვის გოლის გასატანად.
"დიახ, ვესაუბრე ხვიჩას და რამდენიმე ხრიკი მასწავლა, საბედნიეროდ, დღეს მეც ორი გოლი გავიტანე. მშვენიერი დღე გამოვიდა. ბავშვობაში ასეთ დიდ გუნდებთან თამაშზე ვოცნებობდი. ბაიერნის კარში ორი გოლის გატანა დაუჯერებელია. მთელი ჩემი ოჯახი სტადიონზეა და საღამოს მათთან ერთად აღვნიშნავ.
ხრიკი, რომელიც ხვიჩამ მასწავლა, მეორე გოლის დროს გამომადგა - შესვლა საჯარიმოში და შორეულ კუთხეში დარტყმა. საბედნიეროდ, ბურთი კარში შევარდა და იმ მომენტში ძალიან ბედნიერი ვიყავი", - აღნიშნა ბუდუ ზივზივაძემ.
- ცნობისთვის, ბუნდესლიგის ოცდამეთორმეტე ტურში ჩემპიონატის აუტსაიდერმა "ჰაიდენჰაიმმა" გასვლაზე მიუნხენის "ბაიერნთან" ფრედ, 3:3 ითამაშა. ბუდუ ზივზივაძემ "ალიანც არენაზე" დუბლი შეასრულა.
ნახეთ ასევე: