5 რისკ-ფაქტორი, რამაც შეიძლება კაცობრიობის აღსასრული გამოიწვიოს - ჰოკინგის "წინასწარმეტყველება"
კაცობრიობა ვალდებულია, მოამზადოს "სათადარიგო გეგმა“ და დედამიწის მიღმა საცხოვრებელი გარემო ეძებოს. ცნობილი ბრიტანელი ფიზიკოსი, სტივენ ჰოკინგი, არაერთხელ აღნიშნავდა, რომ სხვა პლანეტების ათვისების გარეშე, გრძელვადიან პერსპექტივაში გადარჩენის შანსი მინიმალურია.
"არ მგონია, კაცობრიობამ მომდევნო 1000 წელს გაუძლოს, თუ კოსმოსში არ განსახლდება“, - აფრთხილებდა ჰოკინგი.
მეცნიერი მიიჩნევდა, რომ მხოლოდ ერთ პლანეტაზე არსებობა ცივილიზაციას კატასტროფების წინაშე უკიდურესად მოწყვლადს ხდის.
-
საფრთხეები, რომლებზეც ჰოკინგი მიგვითითებდა
ფიზიკოსი ხაზგასმით აღნიშნავდა რამდენიმე კრიტიკულ რისკ-ფაქტორს, რომელთაც ცივილიზაციის განადგურება შეუძლიათ:
- კლიმატის ცვლილება;
- ხელოვნური ინტელექტი;
- ჭარბმოსახლეობა;
- ხელოვნურად შექმნილი პანდემიები;
- ბირთვული ომი.
მისი პროგნოზით, ნებისმიერ ამ საფრთხეს შეუძლია უახლოესი ათასწლეულის განმავლობაში კაცობრიობის მომავალი კითხვის ნიშნის ქვეშ დააყენოს.
-
კოსმოსი - არა ხსნა, არამედ "დაზღვევა“
ჰოკინგი კოსმოსის ათვისებას გადარჩენის უმთავრეს სტრატეგიად მიიჩნევდა. თუმცა, თანამედროვე მკვლევრები მიიჩნევენ, რომ უახლოეს მომავალში მთვარესა თუ მარსზე არსებული ბაზები დედამიწას ვერ ჩაანაცვლებს. ეს კოლონიები სრულად იქნებიან დამოკიდებულნი დედამიწიდან მომავალ რესურსებსა და ტექნოლოგიებზე, თავად პლანეტების გარემო კი ადამიანისთვის კვლავინდებურად მტრული დარჩება.
აქედან გამომდინარე, გადარჩენის მთავარი გასაღები კვლავ ჩვენს ხელთაა - ეს დედამიწის შენარჩუნებაა. ჰოკინგის გაფრთხილება დღეს აღიქმება არა მხოლოდ როგორც კოსმოსისკენ მოწოდება, არამედ როგორც სიგნალი დაუყოვნებელი მოქმედებისთვის: ემისიების შემცირება, "მწვანე“ ენერგეტიკის განვითარება და ეკოსისტემების დაცვა სასიცოცხლოდ მნიშვნელოვანია.
მანამდე ჰოკინგი კაცობრიობის აღსასრულის 5 სავარაუდო სცენარს ასახელებდა. ამასთანავე, მის თეორიაზე დაყრდნობით, მეცნიერებმა სამყაროს დასასრულის ახალი თარიღი გამოთვალეს, რაც ეფუძნება "ჰოკინგის გამოსხივების“ ბოლო გათვლებს.
იხილეთ ასევე: