ამსტერდამი გახდა მსოფლიოში პირველი ქალაქი, სადაც ხორცისა და წიაღისეული საწვავის საჯარო რეკლამა აიკრძალა

ამსტერდამი გახდა მსოფლიოში პირველი დედაქალაქი, რომელმაც ხორცისა და წიაღისეული საწვავის პროდუქტების საჯარო რეკლამა აკრძალა.

• 1 მაისიდან ბურგერების, ავტომობილებისა და ავიაკომპანიების რეკლამები ბილბორდებიდან, ტრამვაის გაჩერებებიდან და მეტროს სადგურებიდან ამოიღეს.

მაგალითად, შეიცვალა ქალაქის ერთ-ერთ ყველაზე დატვირთულ ტრამვაის გაჩერებაზე, დიდი რეკლამის ბარენი - ახლა იქ ნიდერლანდების ეროვნული მუზეუმის, Rijksmuseum-ს და ფორტეპიანოს კონცერტის რეკლამაა გამოფენილი.

ადგილობრივი პოლიტიკოსები აცხადებენ, რომ აღნიშნული ნაბიჯი მიზნად ისახავს ამსტერდამის გარემოსდაცვით მიზნებთან შესაბამისობაში მოყვანას.

• 2050 წლისთვის ნიდერლანდების დედაქალაქი ნახშირბადის ნეიტრალიტეტის მიღწევას და ადგილობრივი ხორცის მოხმარების განახევრებას ისახავს მიზნად.

“თუ გსურთ იყოთ ლიდერები კლიმატის პოლიტიკაში, მაგრამ გააქირავოთ თქვენი ბანერები იმ ადამიანებზე, რომლებიც სრულიად საპირისპირო პოზიციას იკავებენ, მაშინ რას აკეთებთ სწორად?

ჩვენ აქტიურად ვეწინააღმდეგებით ამას,“ – ამბობს მწვანე მემარცხენე პარტიის წარმომადგენელი ანეკე ვინჰოფი.

მოსაზრებას იზიარებს ნიდერლანდების ცხოველთა უფლებების დამცველი პოლიტიკური პარტიის, “ცხოველთა პარტიის“ ამსტერდამის ფილიალის ხელმძღვანელი ანკე ბაკერი.

აღსანიშნავია, რომ ამსტერდამის გარე რეკლამის ბაზარზე ხორცის რეკლამას შედარებით მცირე წილი ეკავა, წიაღისეული საწვავის რეკლამას კი დაახლოებით 4%.

ძირითადა საჯარო რეკლამაში დომინირებს ისეთი ბრენდები, როგორიცაა ტანსაცმელი, კინოაფიშები და მობილური ტელეფონები.

წყარო