მარმარილოს ქანდაკება, მოხუცი Bad Bunny, ბიონსეს დაბრუნება 10-წლიანი გაუჩინარების შემდეგ და ვარსკვლავების სანახაობრივი კოსტიუმები - Met Gala 2026 წლის გამორჩეული ლუქები (ფოტო/ვიდეო)

მოდის სამყაროში ყველაზე მნიშვნელოვანი ღამე, 2026 წლის Met Gala ნიუ-იორკში, The Metropolitan Museum of Art-ში გაიმართა და როგორც ყოველთვის, პომპეზურმა კოსტიუმებმა მსოფლიოს ყურადღება მიიპყრო.

წლევანდელი თემა იყო “კოსტიუმების ხელოვნება“. ვარსკვლავებმა და დიზაინერებმა საკუთარი ინტერპრეტაციები წარმოადგინეს.

• ყოველწლიური ღონისძიება მეტროპოლიტენის თანხების მოზიდვას ემსახურება და მოდის სახლებს საშუალებას აძლევს, წარმოადგინონ თავიანთი დიზაინები მთელი თავისი დიდებულებით.

წლევანდელი სტუმრების სია ვარსკვლავებით იყო სავსე: ღონისძიებაზე ათწლიანი პაუზის შემდეგ პირველად გამოჩნდა ბიონსე. წითელ ხალიჩაზე ასევე გაიარეს ნიკოლ კიდმანმა, ჩოგბურთელმა ვენუს უილიამსმა, Vogue-ის გლობალურმა რედაქტორმა ანა ვინტურმა და სხვებმა.

წარმოგიდგენთ ყველაზე განხილვად კოსტიუმებს:

• რიანა ხალიჩაზე Maison Margiela by Glenn Martens-ის კოსტიუმით გამოჩნდა, ხოლო ეისაპ როკის - Chanel by Matthieu Blazy ეცვა.

• ჰეილი ბიბერმა ივ სენ ლორანის 1969 წლის ოტ-კუტიურ კოლექციის კოსტიუმი მოირგო.

ბიონსე მეთ გალაზე ათწლიანი პაუზის შემდეგ გამოჩნდა. მას ფრანგი დიზაინერის, ოლივიე რუსტენის მიერ შექმნილი კაბა ეცვა, რომელიც კაბაზე ამოქარგულ ჩონჩხს და უზარმაზარ ბუმბულის მოსასხამს წარმოადგენდა.

BBC-ის გადამღები ჯგუფი ბიონსეს წითელ ხალიჩაზე შეხვდა. როდესაც ჰკითხეს, როგორი იყო დაბრუნება, ვარსკვლავმა უპასუხა: “მშვენიერია აქ ჩემს ქალიშვილთან და ჩემს ქმართან ერთად ყოფნა“.

ვარსკვლავმა წითელ ხალიჩაზე მეუღლესთან, რეპერ ჯეი-ზისთან და მათ ქალიშვილ ბლუ აივისთან ერთად გაიარა.

ანა ვინტურმა, 2026 წლის Met Gala-ზე, შანელის იგივე სტილის კოსტიუმი მოირგო, რომელიც უკვე ეცვა 2019 წელს, თუმცა ამჯერად მწვანე, ფირუზისფერ ტონალობაში.

• მსახიობი და ღონისძიების თანათავმჯდომარე ნიკოლ კიდმანი ღონისძიებაზე Chanel-ის წითელი მძივებით მორთული კაბით გამოჩნდა. ის ქალიშვილთან, სანდეი როუზთან ერთად იმყოფებოდა.

• ლორენ სანჩეს ბეზოსი, Amazon-ის დამფუძნებლის, ჯეფ ბეზოსის მეუღლე, წლევანდელი გალა-ღონისძიების საპატიო თავმჯდომარეა. მან სკიპარელის კაბა მოირგო.

• სუპერმოდელი ჰეიდი კლუმი საღამოს გამარჯვებული კიდევ ერთხელ გახდა. მან Met Gala-ზე მუზეუმის მარმარილოს ქანდაკების მსგავსი კოსტიუმი მოირგო.

• ყველა გააოცა მომღერალმა Bad Bunny-მ კლუმის მსგავსად უჩვეულო იმიჯი მოირგო - 32 წლის მომღერალს მოხუცი კაცის მაკიაჟი ჰქონდა.

• ეს კეტი პერია. პოპვარსკვლავის სახე უნიკალური და ოდნავ საშიში სარკისებრი ნიღბით იყო დაფარული.

• მომღერალი სემ სმიტი ექსტრავაგანტური სამოსითა და ბუმბულის თავსაბურავით მივიდა, რამაც მისი იმიჯი ნამდვილად სანახაობრივი გახადა.

• მადონა მეტ გალაზე ზღვის ჯადოქრის კოსტიუმით გამოჩნდა.

კარდაშიან-ჯენერებმა გამორჩეული კაბები მოირგეს.

კი კარდაშიანის ნარინჯისფერი კაბა და ბოდე ბრიტანელმა დიზაინერმა დუეტმა უიტაკერ მალემ შექმნა. კაილი ჯენერმა კი სკიაპარელის კოსტიუმი მოირგო, რომელიც ისეთ შთაბეჭდილებას ქმნიდა, თითქოს ჩამოვარდებოდა.

მოდელი კენდალ ჯენერი კი GAP-თვის შექმნილი Zac Posen-ის კაბით გამოჩნდა.

იხილეთ ასევე:

• რომის პაპი რიანა, ოქროსკაბიანი კიმ კარდაშიანი - ნახეთ "მეთ გალას" საუკეთესო კაბები