პლანეტის ერთ-ერთი უდიდესი ქალაქი ისეთი სიჩქარით იძირება, რომ მისი დანახვა კოსმოსიდანაც შესაძლებელია

მექსიკის დედაქალაქი, მეხიკო იმდენად საგანგაშო სიჩქარით იძირება, რომ მისი დანახვა კოსმოსიდანაც შესაძლებელია.

NASA-ს მძლავრი მიწისზედა რადარის სურათები აჩვენებს, რომ დაძირვის სიჩქარე თვეში 0.5 ინჩს აჭარბებს, რაც ქალაქს პლანეტის ერთ-ერთ ყველაზე სწრაფად ჩაძირვად დედაქალაქად აქცევს.

მსოფლიოში ერთ-ერთი უდიდესი მეტროპოლია მაღალმთიან ტბაზე, უძველესი წყალშემკრებ არეალთან მდებარეობს, რომელიც მისი 22 მილიონი მაცხოვრებლის სასმელი წყლის დაახლოებით 60%-ს ამარაგებს. წლების განმავლობაში, ეს წყალი იმდენად აქტიურად გროვდებოდა, რომ მის ზემოთ მდებარე მიწის დაძირვა გამოიწვია. ზედმეტმა მოპოვებამ ასევე ხელი შეუწყო ქრონიკული წყლის კრიზისს, რომელიც მეხიკოს წყალმომარაგების სრულად შეწყვეტით ემუქრება.

ქალაქის სწრაფ დაძირვას ამწვავებს დაუნდობელი ურბანიზაცია, რომელიც ახალი ინფრასტრუქტურის მშენებლობის პარალელურად თიხით მდიდარ ნიადაგზე დამატებით ზეწოლას ახდენს.

• მეხიკოში მიწის დაწევა პირველად 1920-იან წლებში დაფიქსირდა და მაცხოვრებლები მის შედეგებს კვლავაც განიცდიან. ესენია: დანგრეული გზები, დახრილი შენობები და დაზიანებული რკინიგზის სისტემები.

NASA-სა და ინდოეთის კოსმოსური კვლევების ორგანიზაციის ერთობლივი პროექტიდან მიღებული ახალი სურათები პრობლემის მასშტაბებს გასაოცარი დეტალებით ავლენს.

თანამგზავრ NISAR-ის სისტემა შექმნილია პლანეტის ზოგიერთი ყველაზე რთული პროცესის აღსაწერად და შეუძლია ისეთ დეტალებზე თვალყურის დევნება, როგორიცაა ჩაძირვა. NASA-ს თანახმად, ეს არის ერთ-ერთი ყველაზე მძლავრი რადარის სისტემა, რომელიც კი ოდესმე კოსმოსში გაუშვეს.

2025 წლის ოქტომბრიდან 2026 წლის იანვრამდე, მეხიკოში მშრალი სეზონის დროს, NISAR-მა ქალაქის ქვეშ მიწის მოძრაობის რუკა შეადგინა. შედეგებმა აჩვენა, რომ ქალაქის ზოგიერთი ტერიტორია თვეში დაახლოებით 0.8 ინჩის სიჩქარით იძრებოდა, რაც წელიწადში 9.5 ინჩზე მეტია.

• ყველაზე მეტად დაზარალებულ რაიონებს შორისაა ქალაქის მთავარი აეროპორტი.

ქალაქის ერთ-ერთი ღირსშესანიშნაობა ნათლად ასახავს ჩაძირვის შედეგებს. 1910 წელს მექსიკის დამოუკიდებლობის 100 წლისთავის აღსანიშნავად აშენებული 114 ფუტის სიმაღლის „დამოუკიდებლობის ანგელოზის“ მონუმენტისთვის 14 საფეხურის დამატება გახდა საჭირო.

“მეხიკო მიწის დაწევის ცნობილი ცხელი წერტილია და ასეთი სურათები NISAR-ისთვის მხოლოდ დასაწყისია. ჩვენ მთელი მსოფლიოდან ახალი აღმოჩენების ნაკადს ვიხილავთ“, - თქვა დევიდ ბეკაერტმა, ფლამანდური ტექნოლოგიური კვლევების ინსტიტუტის პროექტის მენეჯერმა და NISAR-ის სამეცნიერო გუნდის წევრმა.

წყარო

იხილეთ ასევე:

• "მსოფლიო შევიდა ეპოქაში, როდესაც წყლის მარაგები გლობალურად იწურება“ - საგანგაშო ანგარიში და ნიშნები, რომელიც დედამიწაზე სულ უფრო ცხადად ჩანს
• რაზე დგას ვენეცია - საინჟინრო საოცრების საიდუმლო