ოკუპირებულ აფხაზეთში 15 წლის მოსწავლე მე-16-ე სართულიდან გადმოვარდა - მომხდარზე გამოძიება დაიწყო: რას წერს ადგილობრივი მედია ტრაგიკულ შემთხვევაზე

ოკუპირებულ აფხაზეთში, ოჩამჩირეში ტრაგედია მოხდა. როგორც ადგილობრივი მედია წერს, 15 წლის გოგო 16-სართულიანი შენობიდან გადმოვარდა და დაიღუპა.

• sputnik-abkhazia-ს -ის ინფორმაციით, გარდაცვლილი სკოლა-ინტერნატის მოსწავლე იყო. გოგონა შემთხვევის დღეს სკოლაში იმყოფებოდა, გაკვეთილების შემდეგ კონცერტს დაესწრო და სახლში უნდა დაბრუნებულიყო.

ბავშვთა უფლებების კომისარის, მაკტინა ჯინჯოლიას განცხადებით, რაიონული პროკურატურა გამოძიებას ატარებს და ინციდენტის გარემოებებს ადგენს.

“რამდენიმე საათის წინ მივიღე ინფორმაცია ტრაგედიის შესახებ. თანამშრომელთან ერთად დაუყოვნებლივ მივედი ადგილზე. გარდაცვლილი ოჩამჩირის პანსიონში სწავლობდა და სკოლაში სუიციდური ქცევის ნიშნები არ დაფიქსირებულა.

გოგონა სამაგალითო იყო, კარგი მოსწავლე, კალათბურთელი და სპარტაკიადაში მონაწილეობას აპირებდა. ის მშვენიერი, მოსიყვარულე ოჯახიდანაა, ორი შვილი ჰყავს“, - განაცხადა ჯინჯოლიამ.

წყარო