პენტაგონის მიერ უცხოპლანეტელების შესახებ გამოქვეყნებულ საიდუმლო დოკუმენტებში საქართველოც არის ნახსენები - რა წერია 2001 წლით დათარიღებულ ფაილში?

პენტაგონმა გამოაქვეყნა გასაიდუმლოებული დოკუმენტები "ამოუცნობი მფრინავი ობიექტების" შესახებ. ჩანაწერებში არის დოკუმენტი, სადაც საქართველოც არის ნახსენები.

დოკუმენტში მოხსენიებულია 2001 წლის 30 ოქტომბრით დათარიღებული დიპლომატიური დეპეშა, რომელიც მოსკოვიდან, აშშ-ის საელჩოდან ვაშინგტონში გაიგზავნა. მასში აღწერილია რამდენიმე დღით ადრე საქართველოში, კოდორის ხეობაში განვითარებული მოვლენები.

• დოკუმენტში აღწერილია 2000-იანი წლების დასაწყისში საქართველოს თავზე ე.წ. ამოუცნობი მფრინავი ობიექტების "გამოჩენის შემთხვევა".

ნათქვამია, რომ 28-29 ოქტომბერს რუსულმა თვითმფრინავებმა დაბომბვები განახორციელეს ჩრდილო-აღმოსავლეთ აფხაზეთში. ეს ინფორმაცია აშშ-ის ელჩმა ალექსანდრე ვერშბოუმ რუსულ მხარესთან კონტაქტების შემდეგ გაავრცელა.

ამავდროულად, რუსეთის საგარეო საქმეთა მინისტრმა მამედოვმა უარყო რუსული ავიაციის მონაწილეობა თავდასხმებში. მისი თქმით, რუსეთის თავდაცვის სამინისტრო უარყოფდა მათი თვითმფრინავების გამოჩენას საქართველოს საჰაერო სივრცეში და თქვა, რომ ეს შესაძლოა, "ამოუცნობი მფრინავი ობიექტი ყოფილიყო".

ამერიკულმა მხარემ ეს განმარტებები სკეპტიციზმით მიიღო. დასკვნით სიტყვაში ალექსანდრე ვერშბოუმ ეჭვი გამოთქვა რუსული განცხადებების სანდოობასთან დაკავშირებით და ხაზი გაუსვა ასეთი ინციდენტების პოტენციურ პოლიტიკურ შედეგებს.

პენტაგონის მიერ გამოქვეყნებული ფაილი