ირანში, სიკვდილით დასაჯეს ისრაელის სასარგებლოდ ჯაშუშობაში ბრალდებული მამაკაცი - “32 წლის ეჰსანი 4 ენას ფლობდა... 2024 წელს დააკავეს, სამარტოო საკანში იჯდა“

ირანში სიკვდილით დასაჯეს მამაკაცი, რომელიც ისრაელის სადაზვერვო სამსახურის სასარგებლოდ ჯაშუშობაში იყო ბრალდებული, - ინფორმაციას Reuters-ი ირანულ მედიაზე დაყრდნობით ავრცელებს.

• iran international-ის ინფორმაციით, სიკვდილით დასაჯეს 32 წლის ეჰსან აფრაშტეჰი. ის 2024 წელს დააკავეს და 2025 წელს სიკვდილით დასჯის განაჩენი გამოუტანეს. მოგვიანებით, ირანის უზენაესმა სასამართლომ განაჩენი ძალაში დატოვა.

აფრაშტეჰი, რომელიც 1993 წელს ისპაჰანში დაიბადა და სამოქალაქო ინჟინერიის მაგისტრის ხარისხი ჰქონდა, 2024 წლის დასაწყისში თურქეთიდან დაბრუნების შემდეგ დააკავეს და რამდენიმე თვე უსაფრთხოების დაწესებულებაში დაკითხვის ქვეშ სამარტოო საკანში გაატარა.

აფრაშტეჰი თავისუფლად ფლობდა ინგლისურ, ფრანგულ და ებრაულ ენებს, რომელიც ისრაელთან თანამშრომლობის დროს შეისწავლა. მას ბრალი დასდეს ისრაელისთვის ირანის სტრატეგიული ინფორმაციის მიყიდვაში.

წყარო

ფოტო: HRANA