მოსკოვი-ბათუმის ავიარეისის ბორტი ერთ-ერთმა მგზავრმა "დატბორა" და თვითმფრინავს უკან დაბრუნება მოუწია - რას წერს რუსული "ტელეგრამ" არხი
რუსული ავიაკომპანია Red Wings მოსკოვი-ბათუმის რეისს ასრულებდა, რა დროსაც ერთ-ერთმა რუსმა მგზავრმა თვითმფრინავის უკანა ნაწილში განთავსებული საპირფარეშო დატბორა. თვითმფრინავი მომხდარის შემდეგ ჟუკოვსკის აეროპორტში დაბრუნდა.
რუსული ტელეგრამ არხის, BAZA-ს ინფორმაციით, ბორტზე 64 მგზავრი იმყოფებოდა.
- მათივე ცნობით, აფრენიდან მალევე მამაკაცი ტუალეტში შევიდა. ხელების დაბანის დროს მან ონკანის სახელური ზედმეტად ძლიერად მოქაჩა და გატეხა. ძლიერი წნევით წამოსულმა წყალმა სწრაფად დატბორა თვითმფრინავის უკანა ნაწილში მდებარე ტექნიკური ზონა.
ბორტგამცილებლებმა ონკანის გადაკეტვა დროულად შეძლეს, თუმცა ეკიპაჟმა გადაწყვიტა ფრენა აღარ გაეგრძელებინა და მოსკოვში დაბრუნებულიყო.