მამაკაცი ავტომობილით 10-მდე ფეხით მოსიარულე დაეჯახა, შემდეგ გადმოვიდა და ერთი მოქალაქე დანით დაჭრა - რა მოხდა იტალიაში?

იტალიურ ქალაქ მოდენაში ავტომობილი ფეხით მოსიარულეებს დაეჯახა. ამის შესახებ ინფორმაციას იტალიური მედია ავრცელებს.

• არსებული ინფორმაციით, შემთხვევა მოდენას ცენტრში მოხდა, რა დროსაც მაღალი სიჩქარით მოძრავი ავტომობილი ათ ფეხით მოსიარულეს დაეჯახა, რომელთაგან 8 დაშავდა.

მედიის ინფორმაციით, მას შემდეგ, რაც მანქანით მოქალაქეებს დაეჯახა, გადმოვიდა და ერთ-ერთი გამვლელი დანით დაჭრა, რომელიც მის შეჩერებას ცდილობდა. დაახლოებით 5 მოქალაქე მას გაეკიდა, დააკავეს და სამართალდამცველებს გადასცეს.

დაშავებულთაგან ოთხის მდგომარეობა მძიმეა.

• არსებული ცნობებით, 31 წლის დამნაშავის სახელია სალიმ ელ-კუდრი. ის ბერგამოს პროვინციაში დაიბადა, მაგრამ მოდენაში ცხოვრობს.

მომხდარს იტალიის პრემიერ-მინისტრი, ჯორჯია მელონი გამოეხმაურა.

"ის, რაც დღეს მოდენაში მოხდა, სადაც მამაკაცი რამდენიმე ფეხით მოსიარულეს დაეჯახა და შემდეგ, არსებული ცნობებით, გამვლელი დაჭრა დანით, უკიდურესად სერიოზულია.

სოლიდარობას ვუცხადებ დაშავებულებსა და მათ ოჯახებს. ასევე მადლობას ვუხდი მოქალაქეებს, რომლებიც მამაცად ჩაერივნენ დამნაშავის გასაჩერებლად, და სამართალდამცავ ორგანოებს, მათი რეაგირებისთვის,” - წერს ჯორჯია მელონი სოციალურ ქსელში.