ცნობილი ხდება, რომ პაკისტანმა აშშ-ს ომის დასრულების შესახებ ირანის ახალი წინადადება გადასცა - რას წერს Reuters?

პაკისტანმა აშშ-ს ომის დასრულების შესახებ ირანის ახალი წინადადება გადასცა, - ინფორმაციას Reuters-ი პაკისტანელ წყაროზე დაყრდნობით ავრცელებს.

• გამოცემასთან საუბარში პაკისტანელმა ოფიციალურმა პირმა განაცხადა, რომ მხარეებს პოზიციების დაახლოებისთვის "ბევრი დრო არ აქვთ“.

წყარომ წინადადების დეტალები არ დააკონკრეტა, თუმცა მისი თქმით, მხარეები "პოზიციებს მუდმივად ცვლიან“.

გავრცელებული ინფორმაცია ირანის საგარეო საქმეთა სამინისტროს პრესსპიკერმა, ემაილ ბაგაიმაც დაადასტურა და აღნიშნა, რომ თეირანის მიერ შემუშავებული ახალი წინადადება "ამერიკულ მხარეს პაკისტანის მეშვეობით გადაეცა“.

ამასთან, ირანის სახელმწიფო საინფორმაციო სააგენტო Tasnim-ის ცნობით, აშშ-მა ახალი წინადადების ფარგლებში ირანს ნავთობზე დაწესებული სანქციების დროებით მოხსნა შესთავაზა, რათა ირანი სამშვიდობო შეთანხმებას დათანხმდეს და ჰორმუზის სრუტე გაიხსნას.