ბინა იტალიაში, 47 000-ევროიანი მაჯის საათი, ბიტკოინები, იარაღი - რა ქონებას ფლობს დეპუტატი ვახტანგ თურნავა?
ბინა იტალიაში, ძვირადღირებული საათები და ბიტკოინები - ეს იმ ქონების ჩამონათვალია, რომელსაც პარლამენტის წევრი, დეპუტატი ვახტანგ თურნავა ფლობს.
პოლიტიკოსმა ქონებრივი დეკლარაცია მიმდინარე წლის თებერვლის ბოლოს წარადგინა.
როგორც მის მიერ შევსებული დოკუმენტში ვკითხულობთ, ვახტანგ თურნავას საკუთრებაშია: 2025 წელს 1 400 000 ევროდ შეძენილი 108 კვ.მეტრი ფართობის ბინა იტალიაში, 2025 წელს 79 491 ლარად შეძენილი მსუბუქი ავტომობილი, ასევე 2025 წელს 15 000 ლარად შეძენილი იარაღი - Hekler Koch mpx.
- როგორც ქონებრივ დეკლარაციაშია აღნიშნული, მასვე ეკუთვნის 2022 წელს 200 000 აშშ დოლარად შეძენილი ბიტკოინი. დოკუმენტის თანახმად, ფასიანი ქაღალდების რაოდენობა 13 შეადგენს.
გარდა ამისა, დოკუმენტაციის თანახმად, დეპუტატს ეკუთვნის რამდენიმე ძვირადღირებული საათი. კერძოდ: 2019 წელს 13 436 ევროდ შეძენილი მაჯის საათი - Rolex Milgauss; 2020 წელს 16 428 ევროდ შეძენილი მაჯის საათი - Rolex Datejust 41; 2023 წელს 47 312 ევროდ შეძენილი მაჯის საათი- Audemars Piguet Royal Oak Chronograph. წაიკითხეთ ვრცლად